لو بتفكر تبيع أو تشتري دهب؟.. لازم تشوف الفيديو ده

يا ترى ايه اللي بيحصل في سوق الصاغة في الساعات الأخيرة ؟ وليه أسعار الدب انهارت من ٤ آلاف و٢٠٠ جنيه لغاية ما وصلت إلى ٣ آلاف و ٥٠٠ جنيه؟ وهل ده وقت بيع ولا شراء ؟

في آخر ٢٤ ساعة أسعار الدهب بتحقق خساير كبيرة جدا وسعر الجرام فقد اكتر من ٧٠٠ جنيه من المكاسب اللى حققها في آخر شهر .. وفيه توقعات بمزيد من الخسائر فس الساعات الجاية .. فيا ترى ايه اللي بيحصل في سوق الصاغة ؟ وهل سعر الدهب هيزيد ولا هيقل ؟ ولو عاوز حضرتك تستثمر في المعدن النفيس هل الأفضل حاليا تبيع ولا تشتري؟

بص يا سيدي احنا في الفيديو ده هنشرحلك ايه اللى بيحصل وفى الأول وفس الاخر حضرتك صاحب القرار.

وأول سؤال .. هو ايه اللى بيحصل  في سوق الصاغة في الساعات الأخيرة؟

سوق الدهب في مصر ليه قواعد لوحده وطول الفترة اللي فاتت كان خارج عن السيطرة وأسعار المعدن النفيس كانت لا بتخضع للسعر العالمي ولا حتى لسعر الدولار وتقدر تقول كده أن بتوع الصاغة كانوا بيحددوا الأسعار على مزاجهم والفرق بين السعر المحلي والعالمي كان كبير جدا وبتعدي الالف جنيه في الجرام الواحد والدولة عملت مبادرة السماح للمصريين فس الخارج بإدخال اى كميات من الدهب بدون رسوم ولا ضرايب في محاولة لزيادة المعروض لكن لحد دلوقتى المبادرة ما كنش ليها تأثير كبير على أسعار الدهب في مصر ووصل سعر الجرام عيار ٢١ إلى اكتر من ٤ آلاف وكان بيتم حساب دولار الصاغة هلى سعر فوق ال ٧٥ جنيه

طب ايه اللى حصل خلا الأسعار تنهار في آخر كام ساعة؟

الحقيقة فيه تغيرات كبيرة جدا حصلت فس السوق السودا للدولار من يوم الخميس اللى فات وفيه حرفيا انقلاب في سعر الدولار اللى هبط من ٧٢ جنيه إلى حدود ال ٥٠ جنيه وطبعا ده كان ليه تأثير على دولار الصاغة اللى أنهار هو كمان ومعاه انهارت أسعار الدهب ومتوقع مزيد من الانهيار في الأيام الحاية

نيجي للسؤال الأهم .. تشترى دلوقتي ولا تبيع؟

لو بتفكر تشترى فالأفضل تستنى شوية لان الأسعار مرشحة الهبوط وفقا لتحليلات اغلب الخبراء والمحللين لكن لو بتفكر تبيع فده وقت مناسب جدا لأنك فى كل الأحوال هتحقق مكاسب بس طبعا لو مش محتاج الدهب لفترات طويلة سنة فاكتر فالأفضل تخلى الدهب لانه مخزن قيمة رابح طول الوقت

وفى كل الأحوال الأفضل تنوع محفظة استثمارات جزء فيها دهب وجزء شهادات وجزء عقارات لو مدخراتك كبيرة طبعا