البريكس اشتغل.. ضربة جديدة بطروحات السندات الحكومية للدولار

 
الحكومة لما قالت ان حل ازمة الدولار في مصر مسالة وقت لاغير مكانتش بتهزر وكانت عارفة انه بتقول اية، وفعلا بدأت الدولة في تتحرك في اكثر من اتجاه لحل ازمة نقص العملات الاجنبية في مصر ومنها الدولار والقضاء علي السوق السودا في التجارة بالعملة الخضراء، وكان واحد من اهم الحلول اللي كانت في خطة الحكومة للتغلب علي ازمات نقص العملاء الخضراء كان بالانضمام الي مجموعة البريكس.. وحاليا الحكومة بدأت تجني اول ثمار الخطوة دي.. يا تري اللي حصل جديد بعد انضمام مصر لمجموعة البريكس.. وتاثير ده علي الاقتصاد المصري هيكون عامل اية

الحكومة المصرية كان عندها خطة بعيدة المدي من الانضمام لمجموعة البريكس اللي بتضم مجموعة دول من اقوي الكيانات الاقتصادية في العالم زي روسيا والهند والصين واللي شعبهم بيوصل لنص سكان كوكب الارض وعندهم حجم ثروات يقدر بـ 90% من ثروات العالم زي النقط والغاز.

طيب مصر هتستفاد ازاي من الانضمام لمجموعة البريكس؟.
في الوقت الحالي مصر بدأت تجنبي اول ثمار الانضمام لمجموعة البريكس، واتفقت علي توقيع اتفاقية منع الازدواج الضريبي والدفع بطرح سندات بالعملات المحلية للدول الأعضاء فى بنك التنمية الجديد التابع لمجموعة بريكس لتخفيف الضغط على الدولار الأمريكى والاعتماد على عملات أخرى، والسندات هي واحدة من الأدوات المالية الأساسية اللي بتستخدم الدول في الأسواق المالية لجمع الأموال من المستثمرين، وبيتعهد مصدر السند بسداد مبلغ معين من المال لحامله في تاريخ الاستحقاق بالإضافة لدفع مبلغ محدد كفائدة منتظمة كأرباح على مبلغ شراء السندات.

ازاي طرح السندات هيقضي عل ازمة نقص العملات الاجنبية في مصر؟.
الدكتور وزير المالية، قال ان الدولة بتدرس طرح سندات في الأسواق الخليجية بالدرهم الإماراتي والروبية الهندية للمرة الاولي لضمان تنويع مصادر وأدوات التمويل والعملات وأسواق الإصدارات وتوسيع قاعدة وشرائح المستثمرين الدوليين.
وزير المالية كمل كلامه وقال السندات هدفها تنويع محفظة الدين لتضم أسواقاً وعملات وأدوات مختلفة ومستثمرين من أكثر من جهة بتكلفة تمويل منخفضة، وأن الحكومة اصدرت مؤخرًا سندات خضراء بـ 750 مليون دولار، وصكوك سيادية بـ 1.5 مليار دولار، وبدأنا تنفيذ الاصدار الثاني لسندات الساموراي بقيمة 75 مليار ين ياباني بما يعادل نصف مليار دولار واخيرا اصدار سندات دولية مستدامة بسوق المالية الصينية «الباندا» المخصصة لتمويل مشروعات بقيمة 3.5 مليار يوان صيني بما يعادل نصف مليار دولار.
مين اقوي الاسواق اللي الحكومة بتستهدف الدخول فيها في الوقت الحالي؟.
معيط أكد ان السوق الاماراتي واحد من اقوي الاسواق اللي الدولة المصرية بتستهدف الدخول فيه لجذب استثمارات جديدة للدخول في السوق المصري من خلال توفير مقومات النجاح للمستثمرين، وتحسين البنية الأساسية وتوفير البيئة التشريعية المشجعة للاستثمار، وكانت البداية بعمل تحديثات على اتفاقية منع الازدواج الضريبي الموقعة مع دولة الإمارات من اكتر من 30 سنة لأزالة الازدواج الضريبي ومنع التهرب من الضرائب على الدخل.

وزير المالية اختتم كلامه وقال أن التبادل التجاري بين مصر والإمارات ارتفع بشكل كبير في الفترة الاخير وسجل 4.9 مليار دولار في 2022 مقابل 4.8 مليار دولار في 2021، بنسبة ارتفاع 2.5%، وأن السوق الإماراتية هيا الوجهة الأولى للصادرات المصرية اللي ارتفعت وسجلت 1.9 مليار في 2022 مقابل 1.8 مليار دولار في 2021 بزيادة 10.6%، وصولت قيمة واردات مصر من الإمارات الي 2.9 مليار دولار في 2022.