خراب مستعجل في السوق السودا.. ايه اللي حصل في سمنود
ضربة قاتلة اتلقتها السوق السودا للدولار هتخلي كل تاجر عملة يراجع نفسه لما يكتشف إن الدولارات اللي معاه مزيفة.. وايه اللي حصل في سمنود... كل التفاصيل عندنا في الفيديو ده خليكم معانا للآخر
اللي حصل إن فيه كوارث في سوق الدولار الأسود والطمع خلى كتير من التجار والمزورين يستغلوا الوضع وحالة التدافع على شراء الدولار ويطرحوا دولارات مزيفة في السوق السودا بمبالغ ضخمة وزي ما حصل في الدهب وانتشرت السبائك المغشوشة وبيعها للناس اللي عاوزة تشتري بأي شكل حصل زيه في السوق السوداء للدولار بعد انتشار وضبط كميات كبيرة من الدولار المزيف أو المضروب على نطاق واسع مستغلين قلة خبرة التجار والناس اللي بتتعامل مع السوق الموازية عشان يبيعولهم الدولار بسعر عالي عشان محدش يشك ولأنه سوق غير شرعي الضحية مش بيقدر يبلغ إنه اتنصب عليه.
في كام ساعة الأخيرة الداخلية ضبطت كميات مزيفة من النقد الأجنبي مع موظف بإحدى الشركات كان ناوي يستبدلها في أحد البنوك الكبرى.
الواقعة بتقول إن المندوب حاول تغيير المبلغ بفرع لبنك كبير بمدينة سمنود في محافظة الغربية، لكن العاملين بالبنك اكتشفوا فورا أن الدولارات مزيفة واعترف إنه جابها من تاجر في السوق السودا ومكانش يعرف أنها مزورة وكان المبلغ ربع مليون دولار مزيف تخيل المبلغ ده كان مع مواطن واحد بيتعامل في السوق السودا للدولار ونقدر نتخيل حجم المبالغ والدولارات المزيفة في الأسواق الموازية والأخطر إن الدولارات المزيفة بتيجي من بره لأن مفيش ماكينات لتزيف الدولار في مصر ولا إمكانيات لتزوير الدولار واللي تقريبا يستحيل تزييفه لأن رسمته معقدة جدا غير العلامات السرية في ورقة الدولار بتخلي من المستحيل تقليده في مصر .
ظهور الدولارات المضروبة في السوق السوداء دليل على إنها دخلت من بره ودليل خطير كمان إن فيه جهات بتدمر في البلد بشكل غير طبيعي وإن الموضوع كله مؤامرة لتدمير الدولة وإسقاطها فعلا.
