بالأمر المباشر.. قرار عاجل من السيسي عن الدولار وتصحيح الاقتصاد
من شوية الرئيس السييسي كان بيحتفل بعيد الشرطة المصرية وقال كلام مهم جدا عن الاقتصاد وأزمة الدولار .
وفي كلمته دعا الرئيس إلى إجراء حوار وطني خاص بالاقتصاد وقال السيسي"محتاجين نعمل حوار أعمق وأشمل فيما يخص الاقتصاد".
وأضاف الرئيس السيسى :"بسمع كتير من المحليين الاقتصاديين بيتكلموا فى القنوات وبيكتبوا فى الجرايد.. فيه فرق كبير إنك تقول رأى وإنك تنفذ الرأى مع رأى عام.. مع ناس.. مع دولة.. فيه ظروف كتير قوى بتتحط فى الاعتبار".
القرار الرئاسي بالحوار الوطني الاقتصادي طبعا تكليف عاجل لخبراء المال والاقتصاد والبنوك وخبراء مصر وعلمائها في الاقتصاد بالخارج وهيحط روشتات سريعة وقصيرة المدى وطويلة المدى ودي خطوة هتفرق كتير جدا في الازمة الاقتصادية اللي عايشاها مصر بسبب الظروف الدولية.
الرئيس كمان اتكلم عن مشكلة الدولار وقال الحل الوحيد إننا نزود موارد الدولة من الدولار وقال نصا "النهادرة محطات الكهرباء بتاخد غاز يسوى تقريبا مليار دولار شهريا.. 3 مليارات دولار مش أقدر مش اوفرهم لأنها حاجات أساسية.. أنا مش داخل في نقاش.. بحاول أشرح لكم حجم التحدى اللى عايشنه حتى من قبل 2011.. الأرقام دى إذا مكنتش الدولة المصرية يعملوا على زيادة موارد الدولار وتكون أكثر أو تساوى انفاقنا.. إللى بيجلنا من بيع منتجات أو التصدير أو قناة السويس أو السياحة.. لو مش حققنا المعادلة دى هتكون المشكلة دى.. هى دى الحكاية كلها اللى عاملة".
