حدث خطير في سيناء.. السيسي نفذ خطته على الأرض
ايه اللي بيحصل في سيناء وايه حكاية الشبكة الحديدية اللي أمر السيسي بتنفيذها في اسرع وقت وليه وازاي المشروع ضربة للمرات البديلة وازاي هيحول سيناء لمركز عالمي لمرور التجارة الدولية.. كل ده هنعرفه في الفيديو خليكم معانا للاخر
أزمة سيناء على مر التاريخ إنها كانت فاضية تقريبا باستثناء تجمعات من عرب سينا في مساحة ضخمة من الصحراء ودا اللي خلاها مطمع على مر التاريخ أو وجهة للجماعات التخريبية وأجهزة المخابرات المعادية زي ما حصل في سنة الإخوان الكبيسة واللي فيها جماعات الإرهاب والمرتزقة والأجهزة المعادية خدتها بكلمة من خيرت الشاطر وكان الهدف تحويلها لولاية منفصلة عن مصر لكن دا محصلش عشان في مصر جيش وطني قادر وأجهزة عارفة دبة النملة وتم تطهير سيناء بإشراف شخصي من الرئيس السيسي واللي كان حافظ جبال ووديان ومغارات سيناء بحكم عمله رئيسا للمخابرات الحربية والاستطلاع وكان عارف اللي حصل في عهد الاخوان وحط خطة العملية الشاملة لتطهير سيناء من كل دنس ومن كل إرهابي واتحولت الولاية المزعومة لمقبرة كبيرة لكل المرتزقة والارهابيين.
انتهي الإرهاب في سيناء ورجع السكان لبيوتهم ورجعت أشجار الزيتون تثمر لكن السيسي مكتفاش بكده وقال طول ما سينا فاضية الخطر مستمر وخد قرار تاريخي وجريء وغير مفاهيم أن سيناء تفضل فاضية عشان اي مواجهات أو حروب تيجي من الشرق وقرر تعميرها وتحويلها لمراكز صناعية وسياحية ومراكز تسوق وتجارة وممرات للتجاره الدوليه في أكبر خطة طموحة لإعادة سيناء رسمياً للوطن وقطع الطريق على اي محاولات للعبث بيها.
من بين مشروعات السيسي في سيناء إنشاء أضخم شبكة نقل تجارية في تاريخ سيناء ومصر.. شبكة متعددة المهام ومتنوعة عبارة عن شبكة سكة حديد وشبكات طرق ومحاور بجانب موانئ حديثة على العالم وربط دا كله ببعضه ومن أيام احتفلت مصر بعبور اول شاحنة عراقية جاية من العراق وهتروح إيطاليا عبورا بسيناء ووصولا لموانيها الجديدة يعني الحلم بقي حقيقة.
الجديد بقى إن مصر قدرت ترجع خطوط السكك الحديدية القديمة واللي اتسرقت واتوقفت عن العمل نتيجة الإرهاب ورجع قطار بالوظة ليشق طريق الخير في سيناء من جديد، بعد مد قضبانه من جديد في أرض كان الإرهاب يعبث فيها فساداً وبعد توقف استمر 57 سنة بالتزامن مع عودة الحياة لشبكة سكة حديد أرض الفيروز .. وخط السكك الحديدية من بالوظة، بيوصل لغاية ميناء شرق بورسعيد، ضمن مشروع إعادة تأهيل وتطوير، وإنشاء خط «الفردان - شرق بورسعيد - بئر العبد - العريش - طابا» بطول 500 كيلومتر، ضمن ممر «العريش - طابا» اللوجيستي المتكامل.
وبيمتد خط السكك الحديدية من بالوظة حتى ميناء شرق بورسعيد بطول 44 كيلومترا وتم إحلال وتجديد الجزء الموجود بالقطاع بطول نحو 24 كيلومترا من غربلة بازلت ودك السكة وتم إنشاء جسور جديدة وتركيب سكة جديد بطول 20 كيلومترا وبيهدف الخط إلى ربط ميناء شرق بورسعيد بخطوط شبكة السكة الحديد وبيساهم الخط في تعظيم نقل البضائع عن طريق النقل السككي.. يعني تقدر تقول كده إن سيناء الفترة الجاية هتكون مركز دولي لتجارة العالم لانه هينقل البضايع من الاردن والعراق ودول الخليج القريبة لاوروبا بجانب توطين الصناعات وخاصة التعدينية الغنية بيها ارض سيناء ومع المنطقة الاقتصادية لقناة السويس سيناء هتبقي سنغافورة جديده في مصر وبوابة خير.
