45 مليار دولار هيطيرو من ديون مصر بقرار عالي.. مفاجأة 2024
الحكومة المصرية علي مدار فترات طويلة استلفت مبالغ كبيرة من بنوك ودول عربية واجنبية لاستكمال مشروعات البنية التحتية وتامين احتياجات المواطن المصري من السلع الاساسية واحتياجات المستوردين والشركات من الدولار وحاليا الدولة وضعت خطة للتخلص من جزء كبير من ديونها بكذا طريقة.. يا تري اية هيا خطة الحكومة للتخلص من ديون الدول الخارجية.. واية هو المقابل اللي هتاخذه الدول للدول للتنازل عن ديونها لدي مصر.
بيانات البنك المركزي اعلنت عن تضاعف الديون الخارجية المستحقة على مصر خلال السنوات الأخيرة وبلغ إجمالي الدين الخارجي بنهاية الربع الأول من 2023 حوالي 165.4 مليار دولار، وخلي بالك ان الديون دي بقالها سنين طويلة جدا والرقم ده مش كله أصول دين ومعظمه فوايد تراكمت على مصر طول السنين من غير ما يكون فيه خطط للتعامل معاها أو سدادها .
تقرير البنك المركزي قال أن قيمة الديون الخارجية المستحقة السداد على الحكومة المصرية هتوصل الي 29.229 مليار دولار خلال العام الحالي وبتشمل سداد فوائد وصلت الي 6.312 مليار دولار، وأقساط ديون 22.917 مليار دولار، وهيتم دفع 14.595 مليار دولار خلال النصف الأول من عام 2024، وسداد 14.634 مليار دولار خلال النصف الثاني من نفس العام.
الديون الخارجية المستحقة للسداد علي مصر هتنخفض إلى 19.434 مليار دولار مقسمة الي 11.155 مليار دولار خلال النصف الأول من سنة 2025، و 8.28 مليار دولار خلال النصف الثاني من نفس العام، وهتوصل قيمة الأقساط والفوائد المستحقة للسداد في عام 2026 إلى 22.94 مليار دولار، مقسمة إلى 11.458 مليار دولار خلال النصف الأول من العام، و 11.482 مليار دولار خلال النصف الثاني .
طيب احنا سددنا كام من الديون الموجودة علي مصر
الدكتور محمد معيط وزير المالية، أكد أن مصر سددت 25.5 مليار دولار كفوائد وأقساط ديون، في النص الأول من 2023، بالاضافة الي سداد 52 مليار دولار من أقساط وفوائد التمويلات المستحقة خلال العامين الماليين 2021/2022 و2022/2023.
طيب اية خطة الحكومة لسداد الديون دي؟.
الحكومة اعلنت عن وثيقة الاستراتيجية الرئاسية 2030 واللي بتشمل تشكيل لجنة وزارية عليا لتفاوض مع عدد من الدول والتحالفات البنكية الدائنة لمصر لمبادلة الديون المستحقة دي بحصص ملكية في بعض الشركات المملوكة للدولة بالأسعار العادلة .
خطة التفاوض مع الدول والتحالفات البنكية الدائنة لمصر بتشمل علي تحويل 38% من الديون الخارجية لمصر إلى استثمارات، يعني بنتكلم في حوالي 45 مليار دولار تقريبا وبالفعل بدأت اللجنة في التفاوض مع الصين لمبادلة 100 الي 120 مليون دولار من ديون الصين اللي بتوصل الي 1.7 مليار دولار لمشروعات تنموية خضراء ذات بعد بيئي، اعتبارا من العام الجاري.
خطة التفاوض الحكومة المصرية مع الصين لمبادلة الديون مكانتش الاخيرة، وسبق لمصر ونفذت برنامج لمبادلة الديون مع كل إيطاليا منذ 2001 وألمانيا منذ 2011 بقيمة 730 مليون دولار لـ120 مشروعا تنموي .
طيب اية الجديد اللي الحكومة بتعمله في موضوع مبادلة الديون الخارجية لمصر؟.
مصادر مطلعة أكدت لـ«بانكير»، أن الحكومة المصرية بدأت في التفاوض مع الدول العربية لمبادلة حصتهم اللي بتوصل الي 28% من الديون المستحقة علي مصر الي استثمارات .
طيب اية اللي عملته الحكومة في ودائع دول الخليج في مصر.
الدولة قدرت تتوصل الي اتفاق مع الدول مالكة الاصول الخليجية لحد استحقاق ودائعها، وكانت البداية بدولة الامارات العربية المتحدة اللي وافقت علي مد اجل أجل استحقاق وديعة بقيمة مليار دولار كانت تستحق الرد في يوليو الماضي، ليصبح تاريخ استحقاقها في يوليو 2026.
كمان الدولة نجحت في التوصل الي اتفاق مع دولة الكويت لمد أجل استحقاق وديعة بقيمة 2 مليار دولار كانت تستحق الرد في أبريل لعام 2023 لمدة عام جديد لتستحق في أبريل 2024.
