رحيل مدبولي وانهيار في الصاغة وعودة الذباب الإلكتروني

على مدار الساعات اللي فاتت مصر عاشت ظروف صعبة وشافت أحداث أصعب.. ايه اللي حصل وايه أخر التطورات .. هنجاوب على كل اسئلتكم خليكم معانا للأخر.

 الاحداث اللي تابعها المصريين من يومين كانت محاكمة وزير التموين في مجلس النواب، والحقيقة الجلسة شفت غل مصريين كتير من وزير التموين اللي ساب الاسواق لتجار السوق السوداء ومقدرش يرد على اسئلة النواب.
ولاول مرة امكن المصريين يشوفوا وزير بياخد دش بارد في البرلمان زي ما حصل مع ميصلحي وزير التعليم وكتير اعتبروا محاكمة الوزير بداية للاطاحة بحكومة مدبولي كلها وخاصة بعد الارتفاعات القياسية في أسعار الدولار والدهب وفقد الاتزان في الاسواق.

واضح كده إن فيه خطة جديدة مجهزها الرئيس السيسي للتعامل مع المرحلة الجاية ومنها طبعا ضخ دماء جديدة وقوية وحاسمة وعندها حلول عشان تصلح اللي دمره مصيلحي وفشلت فيه حكومة مدبولي رغم كل الانجازاات اللي حققها على مدار سنين في الحكومة.
ـ
من بين الحاجات اللي حصلت اليومين اللي فاتوا ظاهرةعودة شياطين المنصات والذباب الإلكتروني وبشدة وبأجندات وأسلوب مختلف بيتسهدف الدولة المصرية ورئيسها والاستقرار اللي فيها.
ولاحظنا كلنا انتشر عبارات وجمل موحدة في منصات التواصل الاجتماع زي طالبلد بتفلس والناس جاعت والمسؤولين بيهربوا والسيسي خرب البلد وبيني كباري واللي جاي خراب"

وبظرة واحدة لو ربطنا بين اللي بيحصل وهجوم المنصات والذباب الالكتروني على البلد وعلى رئيسها تحديدا وبين التوقيت والشهر واللي هو يناير هتفهم الناس دي عاوزة إيه وإنها هي اللي عندها أجندة خراب وسقوط وفوضى مدمرة.
بانكير ربطت بين الكلام والألفاظ اللي ببتقال والجمل والمصطلحات واكتشف تقريبا إنها موحدة في منصات الاخوان الاللكترونية ومنصات مجهولة تانية وحسابات غريبة على مواقع التواصل الاجتماعي  وبتستخدم خواريزمات معينة واللي وراها وبتمولها أجهزة معادية ولو تلاحظ بردو وتيرة الهجوم بتزيد كل المعاد اللي محددينه ما بيقرب عشان يوصلوا في النهاية لمرحلة الغليان بعد انتهاء مرحلة التسخين.

كمان هتلاحظ حاجة مهمة جدا هتتأكد منها إن الناس دي مابتلعبش وعارفة بتعمل إيه ووراها كوادر محترفة بتقولهم يقولو إيه وإزاي وهي إن الاشاعات والاكاذيب والتحليلات اللي بيتعمل بتكون  موجهة لفئات معينة زي الشباب وهو المقصود لأنه هو المحرك الأساسي.

وعلى مدار اليومين اللي فاتوا مصر شافت ارتفاعات تاريخية وغير مسبوقة في سوق الدهب ووصل الذروة 3520 جنيه لعيار 21 وبعدها الدولار عدى الـ60 جنيه في السوق السودا وفي نفس الوقت تم القبض على تجار ورجال أعمال ومن بينهم امبراطور الدهب في الصاغة روماني عيسى وعصابته ومعاه ملياردير كمان وشخصية أجنبية واتضح إن فيه لعب على تقيل وعابر للحدود بسبب اللي بيحصل في سوق الدهب والدولار.
والحقيقة المصريين مكانوش عارفين ولا فاهمين ايه اللي بيحصل لكن أجهزة الأمن صاحية جدا وعارفة بتعمل إيه وعندها قايمة كبيرة لكل اللي اتورط واللي سرق واللي نهب واللي عمل ازمة .

من بين الاحداث الهامة في الايام الأخيرة وهي أخبار حلوة ووسط الأخبار السلبية اللي حوالينا وكان بخصوص تلقي مصر طلبات من مستثمرين خليجيين وعالميين للحصول على رخص جديدة للاستثمار في مشروعات الطاقة المتجددة، بقيمة تفوق الـ  6 مليار دولار

وبتضم التحالفات المتقدمة للحصول على رخص جديدة في الطاقة المتجددة، تحالف أوروبي- خليجي، وآخر صيني، بالإضافة إلى تحالف هندي، وبتصل القيمة الاجمالية لكل مشروع الى حوالى 2 مليار وبتستهدف الاستثمارات الجديدة السوق المحلية بجانب تصدير الطاقة الخضراء.

ومن أبرز الشركات العاملة في مشروعات الطاقة المتجددة حالياً، "أكواباور"، و"أميا باور" ، وتحالف "إنجي وأوراسكوم وتويوتا"، وتحالف "سيمنز وجاميسا".
وبتتوقع الحكومة وصول إجمالي الاستثمارات الأجنبية المباشرة في مشروعات الهيدروجين الأخضر إلى نحو 81.6 مليار دولار بحلول 2035. وبتستهدف مصر التوسع في المشروعات اللى من النوع ده ووضعت استراتيجية وطنية خاصة تهدف إلى إدماجها في استراتيجية الطاقة 2035، في إطار خطط التحول إلى الحياد الكربوني، وخفض الانبعاثات من قطاع الطاقة.