اوعي يتنصب عليك.. نصائح لازم تعرفها قبل ما تشتري ذهب

زمان قالوا عن الذهب «أنه زينة وحزينة»، واثبت علي مدار السنين انه الملاذ الامن للاستثمار، علي طول كسبان، وفي الـ 5 سنين الأخيرة وصل سعر الجرام لارقام محصلتش قبل كده.. لكن للاسف زي ما ناس كثير كسبت منه في ناس اتنصب عليها فيه وكان ممكن تتحبس بسببه... طيب ازاي اتاكد من سلامة الحاجة اللي عايز اشتريها خصوصا بعد ما الجهات الأمنية مسكت تحتر معاهم كميات كبيرة من الذهب غير مختومة.. وازاي مخسرش في الذهب بسبب الوزن والمنصعية، واية الاحسن علشان اشتريه يا تري المشغولات ولا السبائيك ولا الجنيهات.. لو عايز تعرف الاجابة علي كل الاسئلة دي شوف الفيديو ده للأخر.
 

الظروف الاقتصادية اللي بتمر بيها الدول حاليا ومنها مصر، خلت الناس تفكر مليون مرة قبل ما تحط فلوسها في اي استثمار، وبقينا نشاور نفسنا كثير يا تري العقارات هيا الأمان ولا الذهب الأحسن في الظروف دي، ولا الدولار الاخضر هو الكسبان... بس بالارقام كده الذهب كل الكل واثبت ان واد الكتشينه اللي كل الكل، ولكن في سؤال فضل عند الناس ومفيش له اجابة... يا تري اشتري مشغولات ولا جنيهات ولا سبائك واية الافضل وقت الشراء والبيع.. واية هيا الاوراق والحاجات اللي تضمن سلامة الذهب اللي هتشريه.
 

من غير ما تلف ولا تحتار انا هقولك دلوقتي علي شوية نصائح لو اخذت بيها هتحقق اعلي مكسب وهتكون ضامن انك مضحكش عليك في الذهب وانك في الأمان.

شعبة الذهب قدمت نصائح للموطنين قبل شراء الذهب، واولها انك تسال كويس علي اسعار الجرامات عند تاجر والثاني والثالث علشان تعرف الاسعار كويس قوي قبل ما تدخل علي اي محل وتطلع فلوس من جيبك، وتسأل كمان علي المصنعية في كل مكان لأنها بختلف من مكان للثاني علي حسب نوع الشركة اللي صنعت الذهب وبتختلف علي حسب نوعية الذهب هل مشغولات ولا سبائيك ولا جنيهات.

الشعبة كملت كلامها ونصحت المواطنين بشراء الذهب عيار 21 لانه الاقل مصنعية وقت البيع، وانك لازم تدقق جدًا وتختار تاجر سمعته كويسة في السوق، وبلاش تشتري اي ذهب فيه فصوص لانه غالبا مش هتتحسب وقت البيع الا في انواع وشركات محددة، ولو اشتريت حاجة فيها فصوص خلي البايع يثبت الفصوص في فاتورة البيع علشان متخسرش لو حبيت تبيعها، وتختار اشكال النقوش فيها قليلة علشان تكون مصنعيتها قليلة، وكمان متتكسرش منك وتخسر فيها وينقص وزنها .

الشعبة نصحت المواطنين بشراء السبائك لو كان المشتري عايز الذهب بهدف الاستثمار والأدخار، ولازم تاخذ فاتورة ضريبية بالذهب يكون فيها رقم السجل التجاري والسيريال نمبر ورقم البطاقة الضريبية، وفي حالة لو اشتريت ذهب مستعمل او قديم مشتريش الا بفاتورة برضوا، وتتاكد كويس قوي من الاختام الموجودة علي الذهب، وتبعد تماما عن شراء الذهب من علي وسائل التواصل الاجتماعي .
الشعبة اختتمت نصائحها للمواطنين، وطالبت بالاحتفاظ بفاتورة الشراء في مكان أمن جدا، واوعي تضيع منك هتنفعك وقت البيع، وتختار الوقت اللي الذهب يكون فيه سعر عالي لو حبيت تبيع علشان تسفيد من فارق السعر قبل ما ينزل ثاني، ولو حبيت تشتري بعد كده اشتري بكميات معقولة ومتحطش فلوسك كها في سلة واحدة قسمها علي كذا استثمار .