دهب ولا شهادات 27%.. لو معاك فلوس تشغلها فين

من ساعة ما نزلت شهادات الادخار الجديدة بفايدة 27% وناس كتير محتارة تستثمر في إيه.. دهب ولا عقارات ولا شهادات.. الحقيقة لما استثمار ميزة بتختلف عن التانية.. تعالي نقولك الافضل ليك..

في الطبيعي  شهادات الـ27% الجديدة هتناسب أصحاب المعاشات والقطاع العائلي الللي معندهمش الخبرة الكافية للاستثمار في الدهب أو العقارات واللي ييحتاجو خبرة ومشاوير ومتابعة للسوق وإرهاق مش هتتناسب مع أصحاب المعاشات ولا الأسر اللي معندهاش وقت تتبابع الأسواق وعشان كده الاستثمار للفئات دي في شهادات الادخار الجديدة هو الافضل والانسب لأنه مريح جدا وفلوس مضمونةوبفايدة كبيرة..

لكن بالنسبة للشباب فالأفضل ليهم هو الاستثمار في المشروعات الصغيرة، لأن عندهم القدرة والنشاط على التجارة والتنقل والمتابعة وعمل مشروع هيكون افضل لاي شاب باديء حياته لأنه هيبقي تاجر وبعدها هيكون رجل اعمال كل ما كسب خبرة هيتوسع في السوق..

وبخصوص الاستثمار في الدهب فهو مضمون برده لكن بيكون فيه عمولات ومصنعيات ولازم تختار التوقيت المناسب لدخول السوق والخروج منه أو ببساطة امتى تبيع وامتى تشتري  ونفس الحكاية في العقارات واللي قيمته بتزيد مع طول المدى زي الدهب بالظبط لازم تختار الوقت المناسب عشان تعرف تكسب كويس وفي نفس الوقت تحافظ على فلوسك.

في كل الأحوال الاستثمار في الشهادات أو الدهب أو العقارات أو المشروعات افضل من انك تسيب فلوسك تحت البلاطة ولا في البيت أو مركونة لام قيمتها بتقل يعني فلوسك بتخسر من غير ما تحس.