ملفات الوزراء الجدد على مكتب الرئيس.. سر تأخر اعلان الحكومة الجديدة

يا ترى إيه سر تأخر الإعلان التشكيل الوزاري الجديد؟ ومش المفروض كان يبقى فيه حكومة جديدة بعد انتخابات الرئاسة على طول؟ ومين الوزراء اللي هيتم الإطاحة بيهم ؟ وايه معايير اختيار الوزراء الجدد؟ وايه أهم الحقائب الوزراية اللي هيكون ليه دور أكبر الفترة الجاية؟
 

في 8 ديسمبر اللى فات أعلنت الهيئة الوطنية للانتخابات فوز الرئس عبدالفتاح السيسي بولاية رئاسية جديدة هتبدأ في شهر ابريل الجاي، وناس كتيرة كانت فاكرة انه بمجرد اعلان نتيجة الانتخابات لازم يتم تشكيل حكومة جديدة ورحيل الحكومة الحالية.. والحقيقة ان الدستور ما ألزمش الرئيس بحاجة فيما يتعلق بتشكيل الحكومة بعد إعادة انتخابه لكن جرى العرف ان مع اى ولاية جديدة الرئيس بيختار حكومة جديدة أو على الأقل يعمل تغييرات وزارية لضخ دماء جديدة واقالة الوزراء اللى فشلوا في تحقيق المهام المكلفين بيها 
ووفقا لمعلومات بانكير الجهات الرقابية بالتعاون مع الأجهزة المعنية شغالين على ملف التشكيل الوزراي الجديد بتكليف من رئيس الجمهورية وحاليا بيتم فحص السماء المرشحة لتكليفها بالحقائب الوزارية وتم الاستقرار على بعض الأسماء بالفعل وتم ارسالها الى مكتب رئيس الجمهورية انتظارا لاستكمال باقي الأسماء 
والتغيير المرة دي هيطول كل الوزراء اللي ما نجحوش في تحقيق المهام اللى كلفهم بيها الرئيس وكمان الوزراء اللى فيه غضب شعبي من أدائهم وفى مقدمتهم وزير التموين على مصيلحي اللى فيه أكتر من 100 طلب اجاطة ضده في مجلس النواب وكمان وزير التربية والتعليم اللى فشل في تقديم اى إضافة حقيقية لتطوير التعليم ومعاهم وزراء تانية زي وزير المالية والأوقاف والتجارة والصناعة وقطاع العمال العام والزراعة.

طب امتى هيتم الاعن التشكيل الوزاري الجديد وهل هيتم الإطاحة بالدكتور مدبولى من رئاسة الحكومة ؟ 
خلاص حاليا بيتم وضع الرتوش النهائية على التشكيل الجديد للحكومة وخلال أيام قليلة هيتم الإعلان عن أسماء الوزراء الجدد في كافة الحقائب الوزارية ولغاية اللحظة اللى بنتكلم فيها مع حضراتكم المفروض انه هيكون فيه رئيس حكومة جديد مكان الدكتور مدبولى اللى قدم أداء كويس لكن للأسف الظروف ما ساعدتش انه يحقق كل الأهداف ورئيس الوزراء الجديد وفقا لمعلوماتنا هيكون من خلفية اقتصادية وسبق ليه العمل في الدولاب المالي لأن الفترة الجاية هيكون فيها تحديات اقتصادية كبيرة ومحتاجة رئيس حكومة بمواصفات خاصة تقدر تقدم حلول مبتكرة   
وعلى فكرة موضوع اختيار الوزراء الجدد مش سهل خالص وتقدر تقول كمان انه معقد حبتين وده لأن فيه أكتر من مستوى لاختيار المرشحين للمناصب اللى من النوع ده ولازم يحصل استعلام من كذا جهة ودراسة سيرة المرشح ومسيرته

واللى حضرتك لازم تكون عارفه ان الرئيس السيسي بنفسه بيشرف على اختيار الوزراء الجدد وأعطى تكليفات باختيار كفاءات وعقول قادرة على تحقيق طفرة وتحسين حياة الناس بعد ما استحملوا الاجرءات الصعبة طول فترة الاصلاح الاقتصادي خلال السنين اللى فاتت