خطة ساويرس ومفاجأة معيط ورسالة غامضة لتجار العملة

على مدار أسبوع كامل قدمت وحدة أبحاث بانكير عدد من التقارير الهامة عل كل منصاتها الإلكترونية وبنفكركم بأهم أحداث الأسبوع على الساحة الاقتصادية

بداية الأسبوع كانت مع حالة الزحام على البنوك بعد انتهاء الأجازة الرسمية لشراء شهادات الادخار الجديدة بفايدة 27% واللي طرحتها بنوك مصر والأهلي وتوقعت مصادر مصرفية إن حصيلة الشهادات هتعدي الـ500 مليار دولار.
 

وكان معانا تقرير بخصوص تطور خطير في ملف ديون مصر بعد تسريبان وتوقعات بإعادة جدولة ديون مصر ودي خطوة مصر بتستغل فيها نفوذها وعلاقتها مع المؤسسات والدول المدينة وتتفاوض معاهم على اكتر من حل يا إما تخفيض الديون نفسها أو اقساطها أو إلغاء جزء كبير منها أو إلغائها كلها وحسب التفاوض مع كل دولة أو جهة.
وكمان هتشمل المفاوضات زيادة مدة القرض يعني بدل 5 سنين يبقي 10 وبكده تقل الأقساط المطلوبة من مصر وحصلت قبل كده وفيه دول لغت ديون كتير على مصر وفيه اللي لغة جزء منها وكمان فيه اللي لغى الفوايد بتاعها.
ومتوقع مع علاقات مصر القوية ودورها في الأزمات الدولية إن دول كتير تتفاعل بإيجابية مع طلب مصر جدولة الديون .

ومؤسسات دولية كتير اتوقعت نجاح مصر في جدولة ديونها زي بنك مورجان ستانلي والي قال إن مصر ممكن تتجه للجدولة كاإجراء استباقي، خاصة وأن احتياطيات مصر الأجنبية كافية لتغطية خدمات الدين الخارجي ل2024.

وعرضت منصات بانكير تقرير مختلف عن مواطن القوة في الاقتصاد المصري  وسلطت الضوء على رسالة غامضة من صندوق النقد ليها علاقة بالسوق السودا للدولار

وفي بداية الاسبوع طلع تصريح مهم من صندوق النقد قال فيه إن الاقتصاد المصري متين وقوي وقال إن فيه اخبار إيجابية عن المفاوضات مع الحكومة المصرية.
أهمية تصريح صندوق النقد انعكست بسرعة على سعر الدولار في السوق السوداء واللي بتنخفض ، ومع وصول الدفعات من صندوق النقد، وتفعيل برنامج الطروحات الدولارية، الأمر هيختلف تماماً ودا قريب جداً.
وقال الصندوق إن مصر طرحت 5.6 مليار دولار في 2023 في برنامج بيع حصص في الشركات والتخارج ومتوقع تحقيق طروحات قوية وعالية الفترة الجاية في 2024، ومعنى كلام الصندوق إن المرحلة الصعبة في المفاوضات انتهت وفيه برنامج جديد تم اعتماده. وفيه كلام إن مصر وصلت مع الوفد المصري الأخير لاتفاق بقرض 6 مليار دولار هيتم الإعلان عنه قريب.

وعرضت منصات بانكير تقرير مهم جدا بخصوص مرتبات موظفي الحكومة والمعاشات في 2024..
وسلط التقرير الضوء على تصريحات وزير المالية محمد معيط واللى أكد فيها التزام الحكومة بمسار تحسين أجور العاملين بالدولة وأصحاب المعاشات خلال 2024،بشكل يتسق مع جهود الدولة بتوسيع إجراءات ومبادرات ومخصصات الدعم والحماية الاجتماعية
وحاليا الحكومة خدت تكليفات من الرئاسة بدراسة زيادة المرتبات والمعاشات لكل العاملين في الدولة والمفروض وزارة المالية هتنتهى من الدراسة ومن مصادر تمويل الزيادة الجديدة وهترفعا للرئيس لاقرارها وارسالها لمجلس الوزراء اللى بدوره هيعلن عن الزيادة ويبعتلها لمجلس النواب عشان يصدق عليها. 

التقرير الأخير معانا كان حولي فكرة نجيب ساويرس للحكومة بالاستثمار في تصدير العقار..
وقال التقرير إن الحكومة قررت تأسيس شركة لإدارة أنشطة تصدير وتأجير العقار في مصر بالنقد الأجنبي، ودا بهدف جمع عائدات متوقعة تتراوح بين 2 و3 مليارات دولار، مع تصدير العقار بالعملة الصعبة مقابل الحصول على إقامة في مصر لمدة 5 سنوات كنوع من التحفيز.
وبتسعى الحكومة من خلال مستهدفاتها قصيرة الأجل لإطلاق مبادرة لتصدير العقار والبدء في الترويج للوحدات السكنية للمستثمرين الأجانب والمصريين في الخارج.

وحسب تفاصيل المبادرة بتشترط دفع قيمة العقار بالدولار مقدما ومش بالتقسيط، كمان  المشتري هيسترد كامل قيمة الوحدة بعد 10 سنوات من الشراء، كمحفز قوي للعملاء المحتملين.
وبنفكركم إنه من حوالي شهر طالب رجل الأعمال المصري، نجيب ساويرس، ببيع العقارات بالدولار في مصر.