10 مليار دولار سنويا.. فاتورة استضاقة اللاجئين الاجانب في مصر
معروف عن مصر دائما انها بلد الغريب، مفيش حد استنجد بيها وطردته، طول الوقت فاتح دراعاتها لجميع اللاجئين اللي بتعتربهم ضيوف، جنسيات كبيرة سنويا بتدخل اراضيها وبيعشوا فيها زيهم زي اهل البلد، مفيش حد فيهم حس انه غريب او مش في بلده، او في حق من حقوقه مش قادر ياخذه.. لكن عمرك فكرت في مرة تكفلة استضافة اللاجئين دول كام ولا عددهم كام ولا اية هيا ابرز الدول اللي ليها لاجئين في مصر، لو عايز تعرف اجابة كل الاسئلة دي شوف الفيديو ده للآخر.
طبعا كلنا عارفن ان مصر حاليا بتمر بازمة عملة كبيرة جدًا بسبب نقص الدولار في الاسواق، وده ادي لارتفاع معدلات التضخم واللي انعكس علي اسعار السلع الاساسية للمواطنين..جزء كبير من اسباب ارتفاع التضخم هما اللاجئين والمهاجرين اللي وصلوا لمصر علي مدار سنوات وعاشوا فيها وبيحصلوا علي نفس الخدمات والحقوق زيهم زي ولاد البلد، واللي حمل البلد فاتورة اضافية لتوفير الاحتياجات الاساسية .
الدكتور مصطفى مدبولي رئيس مجلس الوزراء، أكد مصر استقبلت خلال السنين اللي فاتت عدد كبير من اللاجئين وصل لاكثر من 9 مليون لاجئ، وده حمل الدولة تكلفة اضافية لرعايتهم وحصولهم علي كافة خدمات المعيشة وصلت الي 10 مليار دولار سنويا وفقا لمعدل الفقر الصادر عن الأمم المتحدة واللي عرف الشخص اللي بيعيش باقل من 2 دولار يوميا تحت خط الفقر.
طيب الاجئين دول جايين من كام دولة وعايشين في محافظات اية؟.
الدكتور مصطفي مدبولي أكد ان مصر استقبلت مهاجرين ولاجئين من 133 دولة الغالبية العظمي منهم عايشين في 5 محافظات هما القاهرة والجيزة والإسكندرية والدقهلية ودمياط، وأن 60% منهم عايشين في مصر منذ 10 سنوات، و37% شغالين في وظايف ثابتة وشركات مستقرة، ووجه بضرورة حصرهم لمتابعة ما تتحمله الدولة من مساهمات لرعايتهم خاصة أن عدد اللي حصلوا علي تصاريح العمل بصورة رسمية يكاد يكون لا يذكر.
ليه مصر اعلنت دلوقتي عن مشكلة الاجئين؟.
منصة المرصد المصرى التابعة للمركز المصرى للفكر والدراسات الاستراتيجية أكدت ان مصر بتتحمل 8% من أعداد اللاجئين عالميا والمقدر بـ 109 مليون لاجئ منهم 4 ملايين لاجئ سودانى، و 1.5 مليون سورى، ومليون لاجئ ليبى، وعدد كبير من باقي الجنسيات الآخرى، وده اكبر من تعداد سكان دول في قارة افريقيا ، وحمل الاقتصاد المصري اعباء اضافية .
منظمة التعاون والتنمية الاقتصادية، أكدت في تقرير ليها ان تكلفة استضافة 900 ألف لاجئ فى ألمانيا وصلت 17.3 مليار دولار وأن اللاجئ الواحد بيتكلف 19.2 ألف دولار سنويا، وبتوصل الي 39.8 ألف دولار فى السويد، و 15 الف دولار فى كندا، وان متوسط التكلفة للأجئ الواحد بتوصل الي 24 الف دولار في عام 2015، وارتفعت الي 30 الف دولار في الوقت الحالي بسبب زيادة معدلات التضخم .
تقريرمنظمة التعاون والتنمية الاقتصادية أكد كمان أن تكلفة استضافة الاجئ بتختلف من دولة للثانية بسبب اختلاف مستويات المعيشة وجودة الخدمات الحكومية في الدول المستضيفة، وقاست التكلفة دي علي مؤشر بيج ماك وهو مؤشر بيقيس الفروقات فى سعر ساندوتش «بيج ماك» اللي بتبيعه سلسلة مطاعم «ماكدونالدز» فى جميع أنحاء العالم.
الدراسة اكدت ان متوسط مؤشر سعر ساندوتش «بيج ماك» في الدول المستضيفة للاجئين بتوصل الي 5.19 دولار وسعره في مصر 2.43 دولار، وعليه بتوصل التكلفة اللازمة اللي قدمتها مصر لاستضافة 9 مليون لاجئ اجنبي 111.2 مليار دولار.
المنصة اكدت في تقريرها ان مصر تحملت فاتورة كبيرة عن دول العالم وخاصة دول قارة اوروبا اللي كانت هتعاني من أزمة كبيرة بسبب اللاجئين وقيامهم بتنظيم رحلات هجرة غير شرعية لدول القارة العجوز للبحث عن الحياة .
