مشروعات خليجية بمليارات الدولارات في مصر.. بشاير 2024
طول عمر مصر درع الخليج ومسافة السكة تشهد وطول عمر الخليج ضهر لمصر في الشدة وعمر مع المعادلة دي ما تغيرت لأن مصر واضحة في تعاملها مع العرب كلهم وهو تعامل المصير الواحد .. ايه اللي حصل في الساعات الأخيرة بين مصر والسعودية وايه حكاية المشروعات الإماراتية والسعودية اللي هتتعمل في 2024 بمصر وحجمها قد إيه وايه الرسالة المهمة اللي الخليج بيوصلها للعالم.. معانا مفاجآت كتيرة.. خليكم معانا
لو حضرتك متابع في الساعات الأخيرة حصل اجتماع مهم جدا بين وزير البترول المصري طارق الملا ووزير الصناعة والثروة المعدنية بالمملكة العربية السعودية بندر الخٌرَيّف، على هامش مؤتمر دولي في العاصمة الرياض وفي الاجتماع ده الوزيرين وقعوا مذكرة تفاهم للاستثمار في مجال التعدين في مصر ودخول القطاع الخاص السعودي بقوة في القطاع الواعد في مصر وزي ما قالو الملا إن مصر حققت نجاحات كبيرة على مستوى المناخ الاستثماري التعديني، من خلال إجراءات إصلاحية مهمة على المستويين التشريعي والمالي، ، وقال الوزير المصري إن فيه اهتمام مصري بتحقيق أعلى قيمة من التوسع في قطاع التعدين، ضمن استكمال خطوات برنامج تطوير وتحديث قطاع التعدين على كل المحاور والعمل على جذب استثمارات جديدة، ودعم التحول الرقمي في أنشطة القطاع.
وزير الصناعة والثروة المعدنية السعودى ، من ناحيته ان فيه رغبةً من الدولتين لتعزيز وتطوير علاقات التعاون بينهما في مجال الثروة المعدنية، لدعم الإمكانات العلمية والفنية والاستشارية في تنمية الثروات المعدنية وحسن استغلالها بصورة أمثل في البلدين، وقال الوزير السعودي إنه بموجب المذكرة القطاع الخاص في البلدين هيرفعوا حجم الاستثمار في قطاع التعدين والتعرف على الفرص التعدينية المتاحة في كلا الدولتين ، وأنه تم الاتفاق على تشكيل فريق عمل مشترك لتحديد وتنفيذ الإجراءات اللازمة لتفعيل هذه المذكرة
مصر نجحت في جذب انتباه المستثمرين لأنشطة قطاع التعدين بعد التطورات المهمة في القطاع، ومصر عندها مقومات وخبرات جيولوجية كفيلة بتحقيق نتائج مميزة فى مجال التعدين.وبتستهدف مصر دخول الشركات العالمية فى مجال التعدين والبحث والتنقيب عن الدهب والخامات التعدينية التانية والعمل على القيمة المضافة فى مصر وفيه تعاون كبير مع شركة معادن السعودية وهى من كبرى الشركات العالمية العاملة فى مجال التعدين فى العديد من دول العالم.
كمان الحكومة المصرية بتستعد لتوقيع بروتوكول تعاون واتفاق جديد مع شركة معادن للعمل فى مصر فى مجال الاستكشاف والتصنيع للخامات التعدينية، ومصر لو متعرفش من الدول الغنية بالمعادن اللى محتاجة بس استثمارات ضخمة على استخراجها وتصنيعها فى مصر والاستفادة من القيمة المضافة وإتاحة فرص العمل خاصة لأبناء الصعيد ومثلث التعدين الشهير
مش بس السعودية اللي هتدخل قطاع التعدين المصري بقوة .. فيه كمان مشروع اماراتي ضخم جدا هيشتغل في 2024 وبتكلفة 10 مليار دولار مرة واحدة وهو في مجال طاقة الرياح أو ببساطة أكبر محطة رياح في العالم.
المشروع الضخم والعالمي هيكون بين هيئة تنمية واستخدام الطاقة الجديدة والمتجددة المصرية، وشركة أبوظبي لطاقة المستقبل "مصدر" الإماراتية، الرائدة عالمياً في مجال الطاقة المتجددة، وائتلاف شركائها وبيضم "إنفينيتي باور" أكبر شركة للطاقة المتجددة في أفريقيا، وشركة "حسن علام للمرافق"، المتخصصة في استثمارات البُنى التحتية المستدامة؛ لتوفير قطعة أرض مخصصة لإنشاء المشروع بقدرة إنتاجية تبلغ 10 جيجاوات، واللي هيشكل عند اكتماله أكبر محطات طاقة الرياح في العالم.
المشروع الاماراتي الضخم في مصر من أهميته بيتابعه شخصيا الرىئيس السيسي والرئيس محمد بن زايد واتفقوا عليه في مؤتمر المناخ بشرم الشيخ ودا بيقول إن الخليج نازل بتقلع في السوق المصري وكل اللي بيتقال غير كده تضليل وإعلام مضلل مقصود بيه الفتنة وضرب العلاقات.
