الدب الروسي بيغير موازين القوة.. إيه حكاية المليار دولار اللي جت الضبعة

 

مصر وروسيا من سنين السنين بتربطهم علاقات خاصة وقوية واستراتيجية و المصرييتن بيحترموا الروس من أيام الاتحاد السوفيتي ولو هندور على حاجات حلوة عملها الروس معانا هنلاقي كتير بداية من المساعدات العسكرية قبل حرب أكتوبر ولغاية السد العالي وصولا للضبعة النووي والتعاون في كل المجالات وكان الأهم من دا كله وقفة روسيا القوية خلف الدولة المصرية بعد الإطاحة الشعبية بسنة الإخوان الكبيسة وكان دعم كبير جدا .

في بدايات حكم الرئيس السيسي ارتبط بعلاقة احترام قوية مع الرئيس الروسي فلاديمير بوتين واللي قدم لمصر كل اللي محتاجاه، ولما مصر قررت تدخل عصر الطاقة الكهربائية النووية روسيا قدمت أفضل عرض وبتسهيلات كبيرة وقررت بناء المفاعلات بتاعة محطة الضبعة كلها بواسطة قرض روسي بفترة سداد طويلة يعني مصر مش هتدفع تمن مشروع محطة الضبعة مرة واحدة ولا راحت اقترضت من صندوق النقد لكن هتدفع أقساط مريحة للجانب الروسي.

مشروع الضبعة النووي هيدخل مصر نادي الكبار في الطاقة النووية وهيخليها اكبر مصدر للطاقة لأوربا و افريقيا وأسيا ودا بيديها بعد استراتيجي كبير وتغير في موازين القوة.
وحسب مصادر قالت إن دفعات القرض الروسي المخصص لمحطة الطاقة النووية بالضبعة وصل مليار دولار لغاية دلوقتي وعلى فكرة مصر بتاخد القرض سيولة لكم بيتصرف على دفعات للشركات المنفذة للأعمال المختلفة بمحطة الضبعة يعني القرض بيصرف على المشروع وكل شكة تنجز مرحلة بتاخد فلوسها من الجانب الروسي وخاصة إن الشركة الام اللي بتنفذ المشروع هي شركة روسية.

واعتمدت روسيا قرض لمصر  هيكون مخصص لتمويل الأعمال والخدمات والشحنات الخاصة بمعدات الإنشاء والتشغيل لوحدات الطاقة بمحطة الضبعة، بقيمة 25 مليار دولار وبستخدم مصر القرض لتمويل 85% من قيمة كل عقد لتنفيذ الأعمال، وهي نفس العقود الموقعة بين المؤسسات المصرية والروسية، على أن تسدد مصر القيمة المتبقية من التمويل 15% على أقساط، إما بالدولار أو الجنيه لصالح المؤسسات الروسية المفوضة.

دلوقتي محطة الضبعة بقت وواقع والأعمال بتتواصل وفيها 4 مفاعلات لتوليد الكهرباء بقدرة إجمالية 4800 ميجاوات، بواقع 1200 ميجاوات لكل مفاعل، ومن المنتظر أن يبدأ تشغيل المفاعل الأول عام 2028.، وخلونا نرجع لورا ونفكركم إزاي المشروع دا رعب الدول اللي مش عاوزة مصر تتحكم في التكنولوجيا النووية ويكون عندها مفاعلات ضخمة جدا ويكون عندها فائض طاقة وتصدير.