مبروك شدو حيلكم.. السيسي يطلق مشروع قناة السويس التالتة
يافندم أول شاحنة عدت من الأردن ودخلت سيناء ورايحة إيطالية.. ألف مبروك ياكامل شدو حيلكم .. دي كانت جزء من مكالمة طويلة بين الرئيس السيسي وبين وزير النقل كامل الوزير,..ايه قصة مشروع الولاية الجديدة واللي هيقلب موازين التجارة في المنطقة.
من ساعات كشف الفريق كامل الوزير، وزير النقل، عن مفاجأة من العيار التقيل ومحدش خد باله منها لما أعلن تفعيل خط التجارة العربي اللي بيربط بين مصر والأردن والعراق، وانطلاق أول شاحنة من الأردن في اتجاه الإسكندرية واللي هتعبر إلى إيطاليا.
وقال وزير النقل إنه تواصل مع الرئيس السيسي عشان يقوله إنه أول شاحنة أردنية عبرت الخط الجديد وكان رد فعل الرئيس السيسي "مبروك شدوا حيلكم"، والرئيس كان مبسوط جدا بسبب سرعة تنفيذ المشروع وإنجازه وانطلاقه على أرض الواقع.
واللي مش واخد باله مشروع الخط التجاري العربي دا بيعتبر قناة سويس تالتة في مصر لكن مش في الميه وإنما على خطوط سكة حديد وخطوط برية وطرق ومواني وليلة كببيرة جدا ودا مشروع عالمي هينقل سيناء تحديدا نقلة تانية خالص وهيحولها لمركز لخطوط التجارة العالمية من أسيا إلى أوروبا.
ومش بس التجارة والشاحنات هتيجي من العراق والأردن لأن الخط مجهز بنية أساسية كاملة عشان يستقبل البضايع والمواني من اسيا كلها ومنطقة الخليج العربي والعبقرية في المشروع بقي إنه بيقطع الطريق على أي خطوط تجارة تانية بديلة في المنطقة.
