تطور مفاجيء في مفاوضات مصر مع صندوق النقد .. الدولارات جاية في السكة
يا ترى ايه آخر تطورات مفاوضات مصر مع صندوق النقد الدولي؟ وايه اللى معطل وصول بعثة الصندوق للقاهرة لاجراء المراجعة الاولى والتانية لقرض ال 3 مليار دولار ؟ وهل فعلا هيتم زيادة قيمة القرض الى 6 مليار دولار؟ وامتى المفاوضات بين الحكومة ومسئولى الصندوق ممكن تنتهي ؟ وهل مصر ممكن تتسلم باقي شرايح القرض خلال الأيام الجاية ؟ وازاى ده ممكن يأثر بشكل ايجابي على أزمة نقص العملة اللى بتعانى منها مصر من مارس 2022 ولحد دلوقتي؟
واضح كده ان فيه تطورات جديدة فى ملف مصر مع صندوق النقد الدولي خصوصا بعد التغيير الكبير اللى حصل فى موقف ولهجة مسئولى الصندوق تجاه مصر وتحديدا من بعد اندلاع العدوان الاسرائيلي على غزة ورفض مصر القاطع لسيناريو تهجير الفلسطينيين الى غزة وكام دور القاهرة فى تقديم المساعدات للشعب الفلسطيني
واتغيرت لهجة مسئولى الصندوق عن مصر وأبدى المسئولين مرونة كبيرة فى مسألة سعر الصرف ومديرة الصندوق طلعت بنفسها وقالت ان موضوع سعر الصرف مش أولوية بالنسبة للصندوق خحاليا ةان الاهم مواجهة التضخم اللى سجل معدلات غير مسبوقة
وفى الساعات الخيرة أدلى جهاد أزعور مدير إدارة الشرق الأوسط وآسيا الوسطى في صندوق النقد الدولي بتصريحات مهمة عن كواليس المفاوضات بين الصندوق ومصر وقال إن العمل والتنسيق مع الحكومة المصرية بشأن المراجعة مستمر مع الأمل بإجراء المراجعة على برنامج الإصلاح الاقتصادي قريب جدا
مدير إدارة الشرق الأوسط وآسيا الوسطى في صندوق النقد الدولي أشاد بالخطوات اللى خدتها الحكومة فى ملف الاصلاح الاقتصادي وقال أن الاقتصاد المصري تمكن من الحفاظ على مستويات نمو جيدة رغم التعرض لصدمات خارجية في 2023 وطالب بأهمية معالجة قضايا التضخم وسعر الصرف وإعطاء دور أكبر للقطاع الخاص.
أزعور اتكلم عن احتمالية رفع القرض المقدم لمصر من 3 الى 6 مليار دولار وقال ان زيادة القرض الممنوح لمصر هيحدد وفق الحاجات التمويلية لسنة 2024
ولما اتسأل عن احتمالية تعثر الحكومة المصرية عن سداد الديون رد مدير إدارة الشرق الأوسط وآسيا الوسطى في صندوق النقد الدولي بحسم وقال إن الاقتصاد المصري لديه مناعة وإن المرحلة الجاية من المتوقع اتخاذ الحكومة مجموعة إصلاحات جديدة هتحمي الاقتصادمن اى تعثر محتمل.
ووافق صندوق النقد الدولي في ديسمبر 2022 على التعاون مع مصر في تنفيذ برنامج للإصلاح الاقتصادي مدته 46 شهر بتمويل قيمته 3 مليار دولار على شرايج وصرفت مصر الشريحة الأولى لكن الصندوق أجل المراجعتين الأولى والتانية للبرنامج اللى كان المفروض يحصلوا في مارس وسبتمبر بسبب تأخر مصر في تنفيذ بعض الإجراءات.
وبتتفاوض مصر حاليا مع الصندوق من أجل رفع قيمة التمويل المقدم إلى 6مليارات دولار إلى جانب استئناف تنفيذ البرنامج وإجراء المراجعتين للحصول على الشريحتين التانية والتالتة من قرض ال 3 مليار دولار.
