هي مصر مطلوب منها تسدد كام ديون خارجية فى 2024؟
يا ترى مصر مطلوب منها تسدد التزامات خارجية بكام فى 2024 ؟ والحكومة هتجيب الفلوس دي منين ؟ وهل مضاعفة قرض صندوق النقد ممكن تساعد فى الملف ده؟ وهل الالتزامات الخارجية فى السنة الجديدة زادت ولا قلت؟ وامتى ممكن ملف الديون ده يتقفل ومصر تفوق من تبعاته ؟
ملف الديون الخارجية واحد من الملفات المعقدة جدا اللى الحكومة مضطرة تتعامل معاه رغم ان بقاله سنين طويلة محدش فكر يحله بشكل نهائي لغاية ما أعباؤه بقت حمل كبير جدا على الموازنة العامة للدولة .. بس الرئيس السيسي مدي الملف ده اهتمام مخصوص وعاوز مصر تنهي عصر الاعتماد على الخارج وتسدد اي التزامات عليها وتخلص من صداع الديون وخدمته وأقساط
بس يا ترى مصر مطلوب منها تسدد كام فى 2024 ؟
الإحصائيات الرسمية كشفت زيادة في إجمالي الالتزامات الخارجية لمصر اللي بتشمل الأقساط وفوائد الديون ومن المتوقع أن تصل إلى حوالي 42 مليار دولار خلال السنة الجاية وده المبلغ الأعلى على الإطلاق المطلوب سداده كديون في عام واحد.
وشهد إجمالي الديون الخارجية المستحقة على مصر ارتفاعً ملحوظ ووصل إجمالي الدين الخارجي إلى حوالي 165.4 مليار دولار بنهاية الربع الأول 2023.
وكان صندوق النقد الدولي كشف أن مصر هتسددله حوالي 261 مليون دولار في يناير2024، ضمن 6.7 مليار دولار مديونيات يتعين عليها سدادها للمؤسسة الدولية خلال السنة الجديدة .
ووفقًا للبيانات الرسمية من البنك المركز من المقرر أن مصر تسدد حوالى 9.5 مليار دولار أقساط وفوائد الديون قصيرة الأجل خلال النص الأول من 2024. ومن المتوقع أن يتم سداد الحصة الكبيرة من الديون دي خلال فبراير ومارس.
وفي الوقت نفسه لازم مصر تسدد كمان حوالي 32.8 مليار دولار، ويشمل ده ديون متوسطة وطويلة الأجل.
وأظهرت البيانات الرسمية ارتفاع كبير في مصروفات فوائد الديون المصرية خلال أول شهرين من العام المالي الحالي بنسبة نمو قدرها 161.3٪ على أساس سنوي، حيث زادت بقيمة 241.85 مليار جنيه بما يوازي حوالى 8 مليار دولار
وأكد تقرير حديث صادر عن وزارة المالية بأن مصروفات فوائد الديون قفزت إلى 391.7 مليار جنيه (ما يوازي 12.696 مليار دولار) خلال الفترة من يوليو إلى نهاية أغسطس 2023، مقارنة بـ 149.92 مليار جنيه ( ما يوازي 4.859 مليار دولار) خلال نفس الفترة من العام المالي اللى قبله.
والزيادة دي نتيجة ارتفاع مصروفات فوائد الديون المحلية لغير الحكوميين إلى حوالي 11.5 مليار دولار خلال الفترة المشار ليها مقارنة بحوالى 4.5 مليار دولار في نفس الفترة من السنة اللى قبلها
وارتفعت فوائد الديون الخارجية بنسبة 157.3٪، وسجلت حوالي 35.69 مليار جنيه مقارنة بـ 13.87 مليار جنيه
