إلحق قبل نهاية السنة.. 3 عربيات ممكن تشتريهم بأسعار تبدأ من 100 ألف جنيه
صباح الفل على حضراتكم.. يارب تكونوا بخير.. يا أخي تصدق أن الناس الطويلة دي بتصعب عليا .. ااه والله.. تلاقي الواحد من دول قاعد في المواصلة تاخدلها ساعة ولا اتنين ومأرزف كدا ومش عارف يقعد براحته في الميكروباص أو العربية الأجرة.
بس برضوا كل واحد ومقدرته في حوار الفلوس.. ما هو مش كل الناس معاها فلوس تشتري عربية برضوا.
ااااه افتكرت.. دا في في مصر دلوقتي عربيات سعرها في حدود ال ١٠٠ ألف جنيه.. طبعا مش مصدقني.. طيب ما تيجي نشوف وتحكم بنفسك
زميلي كلمني من يومين وقالي أنا محتاج عربية تستحملني في المشاوير الخاصة بالشغل.. مش مهم يعني تكون عربية واااو.. المهم أنها تكون قادرة توديني الشغل.
قولتله طيب ما تيجي ندور ونشوف اية العربيات اللي ممكن تجيبها وسعرها يكون في الحنين.
دورنا على مواقع السيارات وعند التجار وسألنا.. ولقينا فعلا في عربيات في حدود ال ١٠٠ ألف جنيه.. وشغالة يعني تقدر من خلالها تقضي مشاويرك.
الغالب عند البعض هو أن في عزوف كبير عن شراء السيارات.. لكن الحقيقة أن سوق السيارت المستعملة بيشجي حرفيا وعليه إقبال كبير اوي.
روحنا وخدنا جولة وعرفنا أن في عربيات تقدر تشتريها ب ١٠٠ ألف جنيه.. وخد المفاجأة دي بقى.. عربيات أوتوماتيك.
أول عربية هي ال تويوتا كورولا... ودي موديل 1995 بمحرك سعة 1600 ، وفيها ناقل حركة أوتوماتيك رباعي السرعات، وفيها عدد من الكماليات المميزة زي زجاج أمامي وخلفي كهربائي، ومقاعد مغطاه بالجلد، ومرايا كهربائية، وراديو ومدخل AUX و USB .
وسعر السيارة داخل سوق السيارات المستعملة ، خلال الفترة الحالية فيتراوح من 100 الف جنيه الى 110 الف جنيه ، على حسب الحالة الفنية للمركبة.
تاني عربية كانت في الحدود المالية دي هي عربية نوعها
اسبيرانزا A516.. ودي فيها محرك 4 سلندر، سعة 1600 سي سي، بقوة 117 حصان، وعزم 140 نيوتن.متر عند 4500 لفة فى الدقيقة، وبيتصل فيها ناقل حركة مانيوال 6 سرعات او اخر أوتوماتيك.
والسيارة دي فيها منظومة دفع أمامية للعجلات، ويستهلك محرك السيارة 6.6 لتر بنزين لكل 100 كم، بينما تصل سرعتها القصوى إلى 180 كم/ساعة.
وسعر السيارة داخل سوق السيارات المستعملة ، خلال الفترة الحالية فيتراوح من 90 الف جنيه الى 120 الف جنيه ، على حسب الحالة الفنية للمركبة.
كمان لقينا عربية شكلها لطيف وبرضوا مش غالية ونوعها
رينو ميجان.. ودي موديل 2000 ، بخيارين من المحركات ، الأول محرك من 4 أسطوانات و 16 صمام، وتبلغ سعته اللترية 1600 سي سي، والثاني 2000 سي سي بيساعد على توليد قوة فائقة 160 حصان، مع عزم 170 متر/كجم عند 6800 لفة فى دقيقة أو 175 حصان لسعة 2000 سي سي.
اما عن سعر السيارة داخل سوق السيارات المستعملة ، خلال الفترة الحالية فيتراوح من 90 الف جنيه الى 130 الف جنيه ، على حسب الحالة الفنية للمركبة
دول أنسب ٣ عربيات بالنسبة ليك.. وتقدر تشتريهم دلوقتي وأعتقد في حدود قدراتك.
