انستاباي هتفضل مجانية.. خبر سار من درج البنك المركزي
الجمعة 29/ديسمبر/2023 - 01:30 ص
خبر سار ولسه محدش يعرفه بانكير هتقولك عليه.. معلوماتنا بتقول وحسب مصادر مصرفية مطلعة إن البنك المركزي المصري أرسل خطاب للبنوك بعدم فرض اية رسوم على المعاملات اللي يتم من خلال تطبيق إنستاباي وتأجيل قرار فرض رسوم اعتبارا من مطلع 2024.
وحسب المعلومات البنك المركزي المصري أصدر توجيهات للبنوك المشاركة في شبكة المدفوعات اللحظية إنستاباي بتأجيل تحصيل رسوم على المعاملات إلى أجل غير مسمى.
وزي ما احنا عارفين إنه كان المفروض فيه رسوم هتدفع علة معاملات التحويل والدفع اللحظية على انستاباي من أول يناير وطبعا بعد قرار التأجيل مفيش رسوم دلوقتي ودا خبر هيسعد الملايين في مصر اللي بيستخدموا تطبيق انستاباي واللي حقق نجاح كبير جداً في أول شهور بعد تطبيقه وهو قفزة كبيرة في مسيرة البنوك الرقمية والشمول المالي.
