دهب ولا عقارات.. نصيحة ساويرس للاستثمار المضمون

اتكلمنا كتير عن انواع الاستثمارات للمدخرات أو الفلوس السايلة مع المواطنين ونوع كل استثمار والظروف المناسبة لتشغيل الفلوس.. تعالوا نشوف المهندس والملياردير نجيب ساويرس قال ايه على أفضل أنواع الاستثمار في الوقت الحالي وايه نصيحته لاي حد بيفكر يشغل فلوسه
 

رجل الأعمال والملياردير المصري نجيب ساويرس، معروف إنه من اشطر رجال الأعمال في مصر والمنطقة في ختة الاستثمار بالذات ودا لأنه تفكيره سابق عصره وسابق الأزمات وفي عز الدهب ما كان رخيص ساويرس استثمر في الدهب بشكل كبير عالمياً وقال ساعتها إنه هو الاستثمار الافضل وفعلا اتحققت نبؤته وكسب مكاسب خيالية بعد أزمات الدهب في الشهور الأخيرة.
ساويرس طلع من ساعات وقال نصيحته بخصوص أفضلية الاستثمار في 2024 ما بين الدهب والعقارات و قال نجيب ساويرس إنه بيفضل التوازن في الاستثمار بين الدهب والعقارات يعني نظرية ماتحطش البيض كله في سلة واحدة ودي نظرية اقتصادية ناجحة جدا ومنطقية وتحديدا لما يكون فيه تقلبات في السوق.
،وقال ساويرس: "أي واحد عاقل يقول أنا عندي 100 جنيه، يحط 20 -30 في الذهب، و20-30 في العقار، و10-20 في السندات" واتكلم عن نفسه وتجربته وقال نا اخترت أبقى حاطط 50% في الذهب، لأنه بشوف الدنيا بتقلب، والعالم كل يوم فيه حرب جديدة.. في غزة وليبيا والسودان وأوكرانيا".
ساويرس واللي بيعتبر واحد من أشهر المستثمرين الرئيسيين في شركات مناجم الدهب في العالم قال حكمة من دهب ونصيحة غالية جدا وهي إن"الدنيا كلها حوالينا حروب، والدهب ده الملاذ الآمن، الواحد مش بيدور على المكسب، بيدور على الأمان، وعشان كده بيروح للدهب".
طبعا نصيحه ساويرس مهمة جدا في الظروف الحالية واضطرابات اسعار وأسواق الدهب وسبق وقلنا في بانكير إن الاستثمار في الدهب لسه مربح رغم ارتفاع أسعاره لأن سعره بيزيد على طول على المدى الطويل وكمان اتكلمنا عن الاستثمار في العقار وقلنا أنه وسيلة مهمة لحفظ الفلوس بجانب مكاسب مضمونة على المدى الطويل واكيد اي واحد فينا اشتري شقة من سنة مثلا ولو عرضها للبيع نهاردة هيلاقي إن سعرها تضاعف.