معجزة بـ 350 مليار جنيه عملها السيسي ومحدش واخد باله منها

لو السيسي معملش حاجة في كل ولاياته غير تطوير والتخلص من المناطق العشوائية والخطرة لكان كفاية اسمه يتكتب في كتب التاريخ.. ليه بنقول كده واشمعنا السيسي اللي قدر يقتحم أخطر ملف في مصر.

معروف أن ملف العشوائيات دا كان تحدي أكبر من أي حكومة لان حجم العشوائيات والمناطق الخطرة في مصر كان كارثي وكان محتاج مليارات الجنيهات وقبل كده كان محتاج رئيس قلب ميت ومش بيخاف زي مابيقول المصريين قلب أسد ياخد القرار الصعب ومايخفش من عواقب المناطق دي لتطويرها,
الحقيقة الرئيس السيسي مخدش جهد يقنع الناس سكان العشوائيات إن حياتهم مش أدمية لأنه عمل نماذج الأول والناس شافت التغير الكبير في حياته وبعدها كل سكان العشوائيات رحبوا بتطويرها وكمان ساعدوا الحكومة في إن واقعهم يتغير وفي عصر السيسي مصر بقت بدون مناطق خطرة ودي حلم ومعجزة في نفس الوقت. عاوزين تعرفوا ليه.. هنقولك لحضراتكم لأن فيه احصائيات كانت لوزارة السكان قدرت عدد سكان العشوائيا بـ 8 ملايين مواطن، موزعين على 497 منطقة سكنية بكافة أنحاء مصر وخلي بالك الرقم الرسمي كان أكبر من كده بكتير يعني الـ8 مليون دول أكتر من عدد سكان دول حوالينا في المنطقة..
تعالو نشوف طيب مصر دفعت كام عشان تتخلص من العشوائيات .. كلنا عارفين إن مصر أعلنت القضاء على المناطق لعشوائية غير الآمنة بنهاية 2022 والحكومة صرفت  63 مليار جنيه على تطوير 357 منطقة عشوائية غير آمنة وأنشأت 246 ألف وحدة سكنية استفاد منها 1.2 مليون شخص.
كمان الحكومة صرفت 318 مليار جنيه على تطوير المناطق غير المخططة، وأنفقت 44 مليار جنيه على تطوير الأسواق العشوائية بإجمالي 1105 سوق، دا غيرانفاق 138.4 مليون جنيه على تطوير 36 سوق بتشمل أكتر من 5000 وحدة
وبخصوص أبرز مشروعات تطوير العشوائيات فمنها
الأسمرات باجمالي 14.3 ألف وحدة سكنية بتكلفة 4.6 مليار جنيه، ومشروع المحروسة وبيضم 4.9 ألف وحدة سكنية بتكلفة 880 مليون جنيه، و مشروع بشاير الخير 15 ألف وحدة سكينة بتكلفة 7 مليار جنيه، ومشروع التجمع السكني (معا) وبيضم 4,4 ألف وحدة سكنية بتكلفة 1.3 مليار جنيه، كمان مشروع أهالينا 2.5 ألف وحدة بتكلفة 1.7 مليار جنيه، دي كانت نبذة سريعة في ملف أتعب كل رؤساء مصر لغاية ماوصل السيسي وعاوزين تعرفو حجم اللي حصل روحوا الأسمرات وسور مجري العيون ومصر القديمة.