مابقاش في استثمار أجنبي في مصر؟ هل دا حقيقي؟

هل الاستثمار الأجنبي خرج برة مصر.. ومابقاش في مناخ يوفر الاستثمار الأجنبي.. طيب ما تيجي نشوف الموضوع من منظور أوسع

الحقيقة الكلام دا مافيهوش أي أساس الصحة.. لأن في الوقت اللى مرسيدس بتشتري أرض في المنطقة الاقتصادية لقناة السويس وأمازون بتفتح مخزن لوجستي وبوش بتبني مصنع وسيمنس بتتوسع في مشروعاتها ومصر الأولى على أفريقيا وفقا للأونكتاد وراند ميرشانت للعام السادس على التوالي في جاذبية الاستثمار الاجنبي المباشر.

ولازم نوضح نقطة مهمة: الاستثمارات الدولية قرار سياسي أكتر منها قرار إقتصادي يبحث عن الربحية، فيه توازنات جيو سياسية بتحدث كل يوم بين الدول، مفيش شركة متعددة الجنسيات بتقرر من نفسها تتوسع في دولة اخرى بمزاجها كدة.

القرار بيتم إتخاذه عبر مستويات ودوائر كلها سياسية وأمنية، وهنا في بعض الدول والشركات لو مصر دي أصبحت جنة الإستثمار بردو مش هيستثمروا عندنا طالما لم نقدم تنازلات سياسية معينة.

في كلام كمان أن"الاستثمارات الاجنبية اللى بتيجي مصر، ثلاثة أرباعها متركز في النفط والغاز ومفيش اي قطاعات اخرى والرقم كان 4 مليار$"، ودة كلام غلط، ليه؟

كمان لو بصيت  على اخر تقرير هتلاقي ان الاستثمار الاجنبي المباشر في مصر كان كله رايح لقطاعات غير نفطية بنسبة 100%، مفيش دولار واحد دخل للنفط والغاز.

كمان تدفقات الاستثمار الاجنبي حققت 4.8 مليار دولار خلال الأشهر الـ9 الأولى من 2020-2021 , بدلا من 5.9 مليار دولار خلال نفس الفترة 2019/2020، إنخفض زي ما كل العالم إنخفض لكن إستثمر في قطاعات غير نفطية.

ياريت نتحقق في أي كلام بيتقال