الدهب طالع السما.. نبوءة يابانية تتوقع أسعار خيالية

ياترى الدهب رايح على فين واسعارها هتفضل ترفع لغاية امتى وايه الكارثة اللي اليابانيين اعلنوها بخصوص اسعار المعدن الأصفر في الفترة الجاية وإذا كانت هترفع فعلا لارقام قياسية هتستثمر ازاي في الدهب 
 

كلنا طبعا متابعين اسعار الدهب اليومين والأسعار اللي شغالة ترفع وجرام 21 داخل على 3 آلاف جنيه بالمصنعية بتاعتها ودا لأسباب كتير منها ارتفاع السعر العالمي وقرارات الفدرالي الأمريكي الأخيرة وارتفاع الطلب مع نقص المعروض.. لكن على المدى القصير والطويل اسعار الدهب رايحة على فين..
السؤال دا جاوبت عليه المجموعة المالية والاستثمارية اليابانية الشهيرة MUFG في مذكرة صدرت من ساعات والحقيقة تضمنت تحليل خبرائها لتحركات أسعار الدهب في الفترة الجاية، والعوامل الداعمة لتحركات الأسعار، مع التوقعات المستقبلية لأسعار المعدن الأصفر بالعالم في الفترة الجاية، وكان أبرز ما تناولته المذكرة إن أسعار الدهب شهدت تقلبات خلال النصف التاني من 2023،  بعد ما انخفض في سبتمبر وبعدها رجعت الأسعار ترتفع لمستويات قياسية في وقت سابق من ديسمبر الجاري.
وقالت المذكرة اليابانية إنه في العادة معدلات الفائدة المرتفعة بتؤثر سلبيا على الأصول والسلع التي لا تحمل فائدة أو تدر عوائد، وبالتالي نقطة البداية لخفض أسعار الفائدة السنة الجاية هتكون مهمة للغاية بالنسبة لتوقعات حركة أسعار المعدن النفيس.
و المجموعة اليابانية بتتوقع في الأساس ارتفاع أسعار الدهب بشكل كبير خلال العام القادم ومن المقرر أن تصل أسعار المعدن الأصفر إلى مستويات قياسية جديدة بفضل 3 عوامل؛ أولها الدعم اللي هيتلقاه الدهب نتيجة تخفيض بنك الاحتياطي الفيدرالي الأمريكي لأسعار الفايدة، وكمان الدعم الكبير من ارتفاع الطلب على الدهب من قبل البنوك المركزية العالمية، واخيرا  دور الدهب كملاذ آمن للتحوط من مخاطر تصاعد التوترات الجيوسياسية ولأن 3 عوامل دول متوفرين وبيتحققوا فاسعار الدهب مرشحة للصعود الكبير حسب المذكرة اليابانية.
طيب طالما الأسعار هترفع بشكل كبير يبقي دا وقت انك تشتري وتستثمر في الدهب طالما لسه السعر هيقفز لمستويات أعلى عالمياً وبالتالي هيقفز في مصر وحتى لو الدهب غالي دلوقتي لكن الاستثمار فيه مضمون حسب التوقعات في الأسعار.