هتاخد 3 مليون جنيه وهتسدد على 12 سنة.. أكبر قرض فى مصر 2024
عاوز تعمل مشروع ومزنوق فى راس المال.. عاوز تشترى بيثت او شقة ومش لاقي تمنهم.. عاوز تشترى اسهم فى شركات كبيرة ومش عارف.. لو انت واحد من الناس دي ما تقلقش لأن البنوك المصرية وتحديدا البنوك الحكومية بيوفروا تمويل ضخم للى عاوز وبشروط ميسرة وكمان فترات سداد طويلة ومريحة.. يعنى هتخلص اللى انت عاوزه وهتدفع على مهلك.. وفى الفيديو ده هنقولك ازاى تاخد 3 مليون جنيه من البنوك وتحصل على أعلى قرض
البنك الأهلي وبنك مصر أكبر بنكين حكوميين بيتيحوا تمويل يصل إلى 3 مليون جنيه نقدا تحت اسم برنامج القرض "الشخصي" بهدف استخدامه في شراء أي سلعة ومنتج أو استثماره في مشروع يرغب فيه أي عميل.
ويعد القرض الشخصي اللي بيطرحه البنكين من أكتر برامج القروض في حجم المبيعات لزيادة طلبات العملاء وده لسهولة إجراءاته والحصول عليه كاش دون اشتراط شراء سلعة محددة بويتم إتاحته لكافة العملاء سواء الموظفين أو العاملين في المهن الحرة.
وبتختلف تفاصيل القرض الشخصي بين البنك الأهلي وبنك مصر في حجم القرض وسعر الفايدة وفترة السداد وخلافه.
وخلونا نبدأ مع حضراتكم بالقرض الشخصي من بنك مصر واللى بتوصل قيمته الى 3 مليون جنيه كحد أقصى وقيمة المصاريف الإدارية 3% بتخصم مرة واحدة من إجمالي قيمة القرض وسعر الفايدة بيتراوح بين 21.25% و24% سنويا على أساس متناقص حسب نوع وظيفة العميل (حكومي أو خاص)، وإمكانية تحويل الراتب للعميل بمفرده، أو أن رواتب جميع العاملين في الشركة محولة على البنك، أو نوع الوظيفة أصحاب مهن أو أعمال حرة.
وعدد سنوات سداد القرض بتوصل لـ 12 سنة ولازم يكون سن العميل ما بين 21 إلى 60 سنة.
أما القرض الشخصي فى البنك الاهلى المصري فقيمته بتوصل إلى 2.5 مليون جنيه كحد أقصى وبتزيد إلى 3 ملايين جنيه في حال إمكانية ضمان نهاية مكافأة الخدمة.
وقيمة المصاريف الإدارية بتتراوح بين 2% و3% من إجمالي قيمة القرض تخصم مرة واحدة.,. وسعر الفائدة بيتراوح بين 21.5% و24% سنويا على أساس متناقص حسب تحويل الراتب للعميل بمفرده، أم مع رواتب جميع العاملين في الشركة محولة على البنك أو نوع الوظيفة أصحاب مهن حرة.
وعدد سنوات سداد القرض بتوصل الى 12 سنة ولازم يكون سن العميل ما بين 21 إلى 60 سنة.
طب ايه الأوراق المطلوبة للحصول على القرض الشخصي من البنكين؟
فيه شوية شروط لازم يتوفروا فى اى عميل عاوز ياخد القرض من البنكين أهمهم خطاب معتمد من جهة العمل موضح فيه الدخل الشهرى وتاريخ التعيين وكمان تعهد جهة العمل بتحويل المرتب أو القسط للبنك حتى الانتهاء من سداد القرض وصورة بطاقة الرقم القومي الساري.
وفيه شوية اجراءات بسيطة بيعملها البنك قبل ما يسلم العميل القرض اهمهم الاستعلام الائتمانى عن العميل ومعرفة تاريخ تعاملاته مع البنوك ومدى التزامه بسداد اى التزمات عليه قبل كده مع البنوك.
