سيناريوهات اجتماع البنك المركزي.. وإيه اللى هيحصل للدولار والدهب

النهاردة هيصدر الفيدرالى الامريكي قراره فيما يتعلق بمصير اسعار الفايدة على العملة الأمريكية وسط توقعات قوية جدا بتثبيت سعر الفايدة على الدولار وتوقف الفيدرالى ولو بشكل مؤقت عن سياسته التشددية فيما يتعلق بالتعامل مع ارتفاع التضخم وفى لاعادي البنوك الخليجية بتمشي ورا الفيدرالى وبتاخد نفس القرار.. والمفروض ان الاسبوع الجاى وتحديدا يوم 21  ديسمبر لجنة السياسات النقدية فى البنك المركزيهتعقد هي كمان اخر اجتماع ليها فى 2023 لتحديد مصير اسعار الفايدة..فيا ترى ايه السيناريوهات المتوقعة ؟ وهل ممكن المركزي يفاجيئ الأسواق بقرار عكس كل التوقعات؟ وايه هيحصل للدول والدهب بعد قرار المركزي؟ 
 

 
معظم التوقعات بتقول ان اجتماع لجنة السياسة النقدية الجاى مش هيحمل أى مفاجآت وان الأغلب ان المركزي هيثبت اسعار الفايدة على الإيداع والإقراض للمرة التالتة على التوالي وده لمنح فرصة للأسواق عشان تمتص الزيادات الكبيرة اللى حصلت فى اسعار الفايدة فى اخر سنتين
وأرجع المحللين توقعاتهم إلى استمرار تباطؤ معدلات التضخم الأساسي من سبتمبر  ليتراجع بنحو 4.5%، ويسجل 35.9% في نوفمبر على أساس سنوي، مقابل 40% في أغسطس السابق له.
ورفعت لجنة السياسات النقدية بالبنك المركزي المصري، سعر الفايدة في اجتماعها أغسطس الماضي، بنسبة 1% ليصل سعري عائد الإيداع والإقراض لليلة واحدة وسعر العملية الرئيسية للبنك المركزي عند مستوى 19.25%، 20.25% و19.75% على الترتيب، وبعدها قررت اللجنة تثبيت الأسعار مرتين ورا بعض.
ووفقا  لمسؤول خزانة بأحد البنوك العامة فالتوقعات باستمرار تباطؤ التضخم بيزيد احتمالات تثبيت البنك المركزي لأسعار الفائدة، خصوصا  أن التضخم الحالي ليس نتاج لتزايد سيولة في الأسواق وإنما ناتج عن نقص معروض حقيقي.
ومن المتوقع أن يستأنف البنك المركزي رفع أسعار الفائدة في الربع الأول من العام المقبل بنحو 3%، حال اتخاذ قرار بتحرير سعر الصرف.
طب ليه المركزي مش هيرفع اسعار الفايدة فى الاجتماع ده؟
وفقا لتطورات الاوضاع فى الاسواق مفيش حاجة تستدعي حاليا رفع الفائدة، وفي حال اتخاذ قرار بتحرير سعر الصرف الربع الأول من 2024 ممكن يتبعه  قرار برفع أسعار الفائدة.
وفيه سيناريوهين للتعامل مع التضخم واسعار الفايدة السيناريو الأول في حال استمرار تباطؤ التضخم دون وجود اتجاه لتحرير سعر الصرف أو امتصاص سيولة الشهادات المقرر انتهاؤها في يناير  وقتها هيكون مفيش حاجه لاتخاذ قرار بتحريك الفائدة عن المعدلات الحالية.
والسيناريو التاني باحتمالية تحرير سعر الصرف وما ينتج عنه من ضغوط تضخميه هيستلزمبرفع الفائدة استباقيا خلال اول اجتماع فى 2024 .

طب ايه تأثير قرار المركزي على اسعار الدهب والدولار؟
طبعا لو تم تثبيت اسعار الفايدة ده هيكون ليه تاثير ولو طفيف على اسعار الدهب والدولار وسعر الدهب بيتأثر سلبيا لو تم رفع سعر الفايدة والعكس صحيح لكن فى حال التقثبيت ده بيعنى ان هيكون فيه استقرار فى سوق المعدن الأصفر ونفس الكلام بالنسبة للدولار