مصر هتعمل أكبر مصنع في العالم لانتاج الضفائر الكهربائية.. السيسي بيعمل عظمة؟

مصر اتعلمت الدرس كويس جدا من جائحة كورونا والحرب الروسية اوكرانية ومن بعدهم العدوان على غزة والحكومة والمسئولين في مصر بقوا عارفين ان التصنيع والإنتاج المحلي هما الضامن الوحيد لاستقرار الاقتصاد ومحاصرة التضخم وعشان كده الرئيس السيسي اتدخل بنفسه وخد مجموعة من القرارات لجذب الاستثمارات الأجنبية وتسهيل إجراءات انشاء المصانع وأنشأ المجلس الأعلى للاستثمار بالإضافة الى قرارات كتيرة تانية هدفها تشجيع القطاع الخاص ودفع عجلة الإنتاج.. وفى الساعات الأخيرة مصر حرفيا بتعمل عظمة وهتنشأل أكب رمصنع في العالم لانتاج الضفائر الكهربائية بالتعاون مع واحدة من أكبر الشركات في العالم.. فيا ترى ايه حكاية المشروع ده ؟ وهيتعمل فين ؟ وايه الهدف من تأسيسه ؟ ومين الشركة اللى هتتعاون مع مصر في المشروع ده؟ 
 

 
من ساعات قليلة الدكتور مصطفى مدبولي، رئيس مجلس الوزراء عمل اجتماع مهم جدا في مقر الحكومة بالعاصمة الإدارية الجديدة مع الرئيس التنفيذي لشركة " سوميتومو وايرنج سيستمز" اليابانية لاستعراض موقف إنشاء أكبر مصنع على مستوى العالم لإنتاج وتصنيع الضفائر الكهربائية والأسلاك للسيارات والمركبات في في مدينة العاشر من رمضان وده واحد من ضمن المصانع اللى بتمتلكهم المجموعة اليابانية في مصر واللى ليها شغل ومصانع في بورسعيد والعاشر من رمضان والسادس من أكتوبر
وخلال الاجتماع كشف مسئولى الشركة اليابانية أهمية مصانع الشركة في مصر اللي بتعد مورد هام لمنتجات الشركة خاصة للسوق الأوروبية في ظل خطط الشركة للحصول على حصة سوقية أكبر بالقارة الأوروبية.. وأكدوا أنهم يتطلعون إلى تقوية العلاقات مع الحكومة المصرية بشكل أكبر
والمصنع الجديد اللي تم وضع حجر الأساس ليه كان من أوائل المشروعات اللي تم منحها الرخصة الذهبية من قبل الهيئة العامة للاستثمار
وبتمتلك الشركة الياباني 8 مصانع لإنتاج ضفائر السيارات في محافظة بورسعيد ومدينة العاشر من رمضان ومدينة السادس من أكتوبر باستثمارات نحو 100 مليون دولار وبتوفر أكثر من 12 ألف فرصة عمل مباشرة وتقوم بتصدير 100% من إنتاجها وبلغ حجم مبيعات الشركة ما يزيد على مليار يورو خلال السنوات الخمس سنين اللى فاتت.
والمصنع الجديد هيبدأ الانتاج اعتبارًا من مايو 2024، وهيصدر المصنع الجديد منتجاته إلى شركات صناعة السيارات في منطقة الشرق الأوسط وشمال أفريقيا وأوروبا.
وهيخصص إنتاج الشركة اليابانية للتصدير وده هيدخل حصيلة دولارية كبيرة لمصر .. كمان مشروعات الشركة هتوفر الآلاف من فرص العمل للمصريين
والشركة بتأتي في المرتبة الأولى عالميا في مبيعات الضفائر والأسلاك الكهربائية الخاصة بالسيارات، وليها 109 فرع في 33 دولة ومنطقة حول العالم ومصر واحدة من الدول اللي ليها أهمية خاصة في تصدير منتجات الشركة الى دول العالم
رئيس الوزراء أكد دعم الحكومة الكامل لمشروع الشركة الجديد لإنشاء أكبر مصنع لها على مستوى العالم لتصنيع الضفائر الكهربائية والأسلاك للسيارات والمركبات على مساحة 150 ألف متر مربع بنظام المناطق الحرة في مدينة العاشر من رمضان.
كمان رئيس الوزراء أكد ان مصر واليابان بتربطهم علاقات إستراتيجية وثيقة وأنه بيقدم ومستعد يوسع الدعم المقدم للشركات اليابانية العاملة في السوق المصرية على أعلى مستوى حرصا على استمرار الشراكات الاستراتيجية بالتعاون مع جميع الجهات المعنية بملف الاستثمار في مصر.