أخدت قرض واتعثرت.. متقلقش مش هتتحبس وهنقولك تعمل أيه
عادة أي حد فينا بياخد قرض من البنك عشان حاجتين يامزنوق في قرشين عليه ديون مثلا او هيجهز ابنه أو بنته يا إما عاوز يعمل مشروع بس مش معاه السيولة وفي الحالتين البنوك بيديك القرض وبياخد ضمانات وشيكات بالاقساط وبيكون ليها مواعيد وكل ما تسدد قسط فيه شيك بيسقط من عليك لكن في أوقات كتيرة بيحصل تعثر في سداد الأقساط وهنا ممكن البنك يلجأ للقضاء عشان دي فلوس ناي تانية ومودعين البنك بيشغلها ويحافظ عليها.. طيب نعمل ايه عشان ماتوصلش الأمور للمحاكم .
شوف حضرتك في النهاية البنك مش هيستفيد حاجة لما يحبسك بالعكس فلوسه هتروح عليه أو هتتأخر وفي الحالتين هو خسران وعشان كده البنك بيديك اكتر من فرصة عشان يساعدك تسدد اقساطك يا إما بيزود مدة القرض عشان يديك فرصة تانية أو بيجدول القرض من الأول.. بس انت بردو لازم تتحرك وتاخد خطوات عشان البنك يتأكد من جديتك ..
خبير مصرفي بيقدملك عدد من الحلول في حالة التعثر سداد القروض بالبنوك، كونها متطلبات مهمة لا بد من الالتزام بها.
أولها تتصل بالبنك أو المؤسسة المالية اللي أقرضتك واشرح ليهم وضعك المالي الحالي لأن ممكن يكون عندهم خيارات متاحة للعمل معاك، زي تمديد فترة السداد أو إعادة جدولة القرض.
تاني خطوة حاول التفاوض مع البنك لإيجاد حلول تتناسب مع قدرتك على السداد، وممكن تشمل الحلول تخفيض مبلغ الدفعة الشهرية أو تمديد فترة القرض لتقليل العبء المالي
تالت خطوة تدور عن مساعدة أو مصادر مالية إضافية لمساعدتك في سداد القرض، وفيه منح أو قروض صغيرة تقدر تاخد ها لتغطية المبالغ المستحقة.
الخطوة الرابعة هي دراسة الخيارات القانونية وإذا كنت تواجه صعوبة كبيرة في سداد القرض ومعندكش حلول ملائمة، هنا ممكن تحتاج إلى استشارة محامٍ متخصص في القانون المالي للحصول على نصيحة قانونية حول الخيارات المتاحة لك وحقوقك، بحسب قول الخبير المصرفي.
التعلم من التجربة هو الدرس الاخير من تعثر السداد لأن التعثر في القرض ممكن يكون تجربة صعبة لكن يمكن يكون ليها أثر إيجابي في تحسين إدارة أمورك المالية، حاول أن تستفيد من هذه التجربة، وتعلم من الأخطاء التي أدت إلى التعثر، وتطبيق النصائح المالية السليمة في المستقبل.
