هتدفع 25 ألف بس.. الحكومة هتطرح آلاف الشقق الجديدة في 14 مدينة
لو عاوز شقة الموضوع مبقاش صعب والدولة عملت مشروعات إسكان كتيرة في كل المناطق وقال الرئيس اللي هيقدم على شقة هياخدها وظهرت مدن جديدة كتيرة وتوسعات و فيه ناس مكنتش محتاجة شقق وبعدين ندمت لما مقدمتش بعد أسعار الحديد والاسمنت ومواد البناء والشقق ما ولعت والشقة اللي ب100 ألف بقت بنص مليون في نفس الوقت بقت استثمار وعشان كده ناس كتير رجعت تدور على شقة من الحكومة.
عامة الفرصة لسه مرحتش وفيه شقق هتطرح في 14 مدينة ومن كل المستويات وتقدر تقدم لأن شروطها ميسرة جدا وفيه كتير منها إسكان اجتماعي
شوف يافندم صندوق الإسكان الاجتماعى ودعم التمويل العقاري التابع لوزارة الإسكان والمرافق والمجتمعات العمرانية الجديدة، أعلن إنه هيطرح خلال الأيام القليلة الجاية، شقق سكن لكل المصريين الإعلان 18 لمحدودي الدخل.
وبخصوص موعد طرح شقق سكن لكل المصريين، كشفت الإسكان أنه جاري الاستعداد لطرح جديد من الوحدات السكنية ضمن المبادرة الرئاسية «سكن كل المصريين"2023، خلال شهر ديسمبر الحالي، بمساحات تتراوح بين 75 و90 مترًا.
وبحسب تصريحات سابقة لنائب رئيس هيئة المجتمعات العمرانية الجديدة الدكتور وليد عباس، الطرح هيضم الآلاف الوحدات السكنية لمحدودي الدخل، وتم دفع العمل بالمشروع والاهتمام بالمشروعات القومية بجميع المدن الجديدة
تتراوح مساحات شقق سكن لكل المصريين 2023 التي هيتم طرحها خلال الفترة المقبلة، بين 75 و90 مترًا.
وبخصوص أسعار شقق سكن لكل المصريين 2023 في هتتراوح بين 350 ألف و500 ألف جنيه، موضحًا أن الأسعار تختلف بناء على نسب التميز والمدينة المطروح بها الوحدة
وشقق سكن لكل المصريين هتكون في 14 مدينة هي
6 أكتوبر الجديدة.- ومدينة 15 مايو. والعبور الجديدة وبدر وحدائق العاصمة. والسادات. و برج العرب الجديدة و الفيوم الجديدة. و بني سويف الجديدة. وسوهاج الجديد و أسيوط الجديدة. وأخميم الجديدة و بمدينة قنا الجديدة. و أسوان الجديدة.
مقدم حجز الوحدة السكنية في شقق سكن لكل المصريين 5 تتراوح ما بين 25 ألف جنيه و30 ألف جنيه.
- القسط يختلف حسب الدخل وعمر الشخص الذي يحصل على الشقة، ويبدأ من 1100 جنيه تقريبا ويصل إلى 2500 جينه.
- يتم سداد 10% من قيمة الوحدة السكنية في صورة جدية الحجز ودفعة الاستلام.
- مدة تقسيط شقق سكن لكل المصريين 5 من 7 سنوات كأقل مدة حتى 30 سنة كأقصى مدة.
- سعر الفايدة على قرض التمويل العقاري لشقق شقق سكن لكل المصريين 5 لا يتعدى 3%.
