في أبرز بنك في مصر.. اعرف التفاصيل الكاملة عن القرض الشخصي في البنك الأهلي المصري

أسرع وأفضل طريقة تجيب منها فلوس هي القروض.. وفي نفس الوقت هاتبقى بلا أزرق لو أنت مش حاسبها صح.. وتعرف هاتقدر تسدد الأقساط اللي عليك ولا لأ..

النهاردة هانقولك على أبرز قرض شخصي في مصر والمقدم من البنك الأهلي المصري.. واية المستندات اللي لازم تقدمها علشان تاخد القرض

البنك الأهلي المصري قسم الفئات اللي من حقها أنها تحصل على قروض لـ ثلاثة أقسام.. العاملين بالهيئات الحكومية وهيئات القطاع العام والأعمال العام.. ودول من حقهم أنهم يحصلوا على قرض لمدة تصل لـ 12 سنة.. ويقدروا يستلموا أي مبلغ بضمان تحويل الراتب واللي ممكن يوصل لـ 3 مليون جنيه.

ومن مميزات القرض دا.. أن ليك الحق أنك تاخد تأمين على الحياة وتحصل كمان على حساب جاري ومش هاتحتاج ضامن علشان تاخد القرض يلا.

وبنفس المبلغ وبنفس مدة التقسيط يقدر العاملين بشركات قطاع البترول والغاز الطبيعي والعاملين في الشركات القابضة والمساهمة الخاصة المدرجة بالبنك.. أنهم برضوا ياخدوا القرض دا.

طيب لو أنت موظف وعايز تاخد القرض دا بس من غير ضمان تحويل المرتب..

فدا برضوا متاح.. لأنك تقدر تاخد قرض بيصل لـ 200 ألف جنيه.. ودا مدته بتمتد لـ 4 سنين,. وبتحصل في المقابل تأمين على الحياة.. وكل اللي عليك تقدمه علشان تاخد القرض دا هو أنك تقدم  خطاب معتمد من جهة العمل موضح فيه الدخل الشهرى وتاريخ التعيين، وكمان 
صورة بطاقة الرقم القومي الساري، وفاتورة كهرباء حديثة ماعداش على تاريخها 3 شهور بحد اقصي و بقيمة 25 جم بحد ادني.. بس بشرط أن عمر المقترض مايقلش عن 21 سنة وما يزيدش عن 60 سنة في نهاية التمويل.

لكن بالنسبة للعاملين بشركات قطاع البترول والغاز.. يعني العاملين ضمن الهيئة العامة للبترول.. فدول ليهم الحق أنهم ياخدوا مبلغ أعلى شوية للقرض واللي بيصل لـ 500 ألف جنيه.. وبرضوا ليك تأمين على الحياة.. إنما لو حد عايز القرض في الشركات متعددة الجنسيات أو الشركات القابضة .. فأنت تقدر تحصل على القرض الشخصي بقيمة 750 ألف جنيه.. وللي تقدر تقسطه على مدة قدرها 5 سنوات.

تاني بنقول لحضراتكم.. القرض ماينفعش تاخده كدا والسلام.. لازم تدرس .. أنت عايزة في اية وهايفيدك في اية.. وهل هاتقدر تسدد أقساط القرض ولا لأ.