كلام عن العقارات.. فلوس مضمونة.. ودي نصايحنا ليك

من أضمن وسائل حفظ قيمة الفلوس في بلدنا اليوم هو الاستثمار في العقارات.. هاتشتري الشقة بأي مبلغ كان وتبيعها بنفس قيمة العملة بعد عدد من السنوات.. اية اللي ممكن تفكر فيه بالنسبة للعقارات.. يلا بينا نعرف

العقار زي ما قولنا.. فلوسها مضمونة.. يعني لما يعدي فترة من الزمن مش هاتخسر جنيه من قيمة العقار اللي هاتشتريه.. اية هي تفاصيل شراء العقار بغرض سكني وأية استفاد من الاستثمار فيه.

دا سؤال مهم جدا ولازم تطرحه مع نفسك وأحنا هانقولك مدى مقدار استفادتك من الاتنين

بص يا فندم..  لو هتشترى شقة بغرض السكن الأفضل تستخدم نظام التمويل العقارى بدل ما تدفع الفلوس كلها كاش.. ودا لأن شراء الشقة بنظام التمويل العقارى بيخليك تدفع قسط شهرى مقارب لقيمة إيجار الشقة وفى نهاية مدة التمويل العقارى الشقة بتكون ملكك .

كمان لازم تعرف إن نظام التمويل العقارى بيشمل مبادرتين..  مبادرة ذات فائدة 3% على 30 سنة ومبادرة الـ8% على 20 سنة تقسيط.

وفي كمان مشروعات وزارة الاسكان متوفرة فى كل المدن الجديدة وبتطرح على فترات سداد طويلة.. وأحنا على وشك طرح لإسكان محدودي الدخل.

ومثال توضيحى على كدا أنك لو هتشترى شقة ومعاك من ثمنها مثلًا 500 ألف جنيه الأفضل إن تشترى بنظام التمويل العقارى يعنى بالتقسيط ويبقى تشترى بالـ500 ألف جنيه شهادة الـ18% وتدفع قسط التمويل العقارى من فايدة الشهادة وجزء من دخلك الشهرى.

طيب لو عايز تشتري عقار بغرض الاستثمار.. ودا مهم جدا لأن الاستثمار في العقار  بيحافظ على قيمة الأموال طول الوقت وتمن الشقة بيزيد باستمرار.

كمان لازم تعرف أن متوسط زيادة سعر العقار سنويًا فى حدود 15%.

وبالنسبة للاستثمار في العقار  فدا بيحتاج مدد طويلة علشان تقدر تكسب كويس يعنى مش أقل من 3 سنين علشان يزيد تمنها كويس.

والأهم فى العقارات اللي أنت عايزها بغرض الاستثمار هو موقع الشقة ودا أهم حاجة لأن فى فرص بيعها بعد كده بيكون كبير.

والأفضل ليك في الاستثمار العقاري بغرض الربح أنك تتوجه للمدن الجديدة زى أكتوبر وزايد والتجمع والشروق والعبور والعاصمة الإدارية الجديدة.

ولازم تعرف إن 65% من الطلب على شراء الشقق بيكون في مدن شرق القاهرة مثل الشروق والعبور والقاهرة الجديدة ومدينتى والعاصمة الإدارية الجديدة .. مقابل 35% إقبال على مدن غرب القاهرة زى 6 أكتوبر والشيخ زايد.

الميزة في العقارات هو أن بيع العقارات بيحقق ربح مرة واحد بمعنى إنه المكسب بعد فترة الاستثمار ولكن لو عايز استثمار بدخل شهرى ثابت بتكون شهادات الادخار البنكية أفضل.. ودي اتكلمنا عنها اكتر من مرة وممكن ترجع للفيديوهات الخاصة بشهادات الادخار.

وبكدا يكون خلص كلامنا عن العقار والاستثمار فيه بالتوفيق لكل مشتري وبائع