كلها أيام.. تقرير خطير يكشف موعد ردم السوق السوداء للدولار في مصر

 

مش قلنا السوق السوداء للدولار هتنتهي آجلا أو عاجلا لأنها سوق مش منطقية ولا شرعية وكله بيخطف منها ويجري.. وفي النهاية كلمة الدولة هي اللي هتمشي.. إيه اللي اتقال جديد عن السوق الموازية من بره مصر وازاي نهايتها قربت
 

 
خلاص البنك المركزي المصري بينزل الستارة على السوق السوداء للعملة وهتبقى ذكرى وكمان كل اللي أتعامل معاها هيوقع في ايدين العدالة لأن فيه أجهزة في الدولة شغالة ليل نهار على تجار العملة وكل يوم بيوقع صيد جديد افتكر نفسه بعيد عن القانون والحساب.
.
لكن ليه بنقول السوق السوداء للدولار هتنتهي فعلا وخلاص نهايتها قربت وبانت.. اخر تقرير  لشركة كايرو كابيتال ودي شركة عملاقة في تقديم دراسات متعمقة للسوق والاستشارات المالية.. كايرو كابيتال دي قالت في تقريرها إن سعر الدولار في السوق السوداء في مصر هيشهد هبوط حاد خلال الأيام الجاية ودا بعد دخول الإتفاق مع صندوق النقد الدولي حيز التنفيذ وانتهاء انتخابات الرئاسة والدولة تركز مع تجار العملة.

ومع توقعات انهيار السوق الموازية للدولار استبعد تقرير الشركة كمان  لجوء الحكومة المصرية للتعويم الكامل لسعر الصرف وإنها ربما تلجأ إلى التحريك التدريجي والغير مؤثر على أوضاع المواطنين، ورجحت يكون سعر الدولار 40 جنيه عند نقطة تلاقي سعري الدولار في السوقين الرسمي بالبنوك والموازية في السوق السوداء ولما دا يحصل السوق الموازية هتنتهي بشكل رسمي وهتنهار لأنه طالما السعرين بقوا زي بعض يبقي مفيش حد معاه دولارات هيخاطر ويغير دولارته من سوق مشبوه ومرصود.

يعني تقرير شركة كاير كابيتال إن سعر الدولار في السوق السوداء هيهبط بشدة عن مستواه الحالي واللي لا يزال يزيد بنسب تتراوح بين 20 و 25% عن السعر الذي حدده التقرير.

واستعرض التقرير اسباب انتهاء السوق السوداء بانوإن سوق الصرف  في مصر هتتلقى دعم قوي بعد دخول الإتفاق مع صندوق النقد الدولي حيز التنفيذ،  من المرجح أن تحصل مصر على 20 مليار دولار، منها 10 مليارات دولار من الصندوق في برنامج جديد يمتد ل 4 سنين ،بالإضافة إلى 10 مليارات دولار أخرى من المستثمرين الدوليين والرقم دا بجانب الارتفاع الكبير في إيرادات الدولار من قطاعات اقتصاديه تانية في الدولة هيكون كافي وزيادة لردم العجز أو الفجوة الدولارية في السوق وفيه تقرير مهم سبق وقال إن مصر محتاجة بس 8 مليار دولار عشان تظبط سوق الصرف وردم سوق المضاربة على الدولار .
وبعيد عن تقرير كايرو كابيتال فيه حاجات تانية هتحصل مذكرهاش التقرير وهتقلل اصلا الطلب على الدولار في السوق المصرفي زي انضمام مصر إلي البريكس والتعامل مع دول كتير بنظام مبادلة العملة والتعامل بالعملات الوطنية بعيد عن الدولار وبكده الحكومة هتوفر دولارات من ناحية الاولى أنها بتزود المعروض من العملة الأمريكية والتانية أنها بتقلب الاعتماد على الدولار من ناحية تانية.

.