انقلاب صندوق النقد.. مليارات دبي في مصر.. وقصة ظهور الجنيه الرقمي

البداية مع الحدث الأهم في الأسواق ومصر وليه علاقة وثيقة بارتفاع الأسعار وهو والقبض على مستشار الوزير ومعاه 8 متهمين من أصحاب المصالح والمصانع .. والحقيقة مفيش حديث في مصر دلوقتي غير على سقوط أباطرة الفساد في  وزارة التموين وهي الجهة المسؤولة عن تموين الناس وعن الأسواق والأسعار وتوفير السلع للناس ودا بعد القبض على مستشار الوزير للرقابة والتوزيع ومتهمين كتير معاه واللي كونوا مع نفسهم شبكة مصالح للمتاجرة في السلع وحجبها عن الأسواق وبيعها بأسعار خيالية طول الفترة اللي فاتت وحققوا طبعا ثروات بالملايين.

وحسب أخر التطورات في القضية المتهم فيها مستشار الوزير إنه هو كان قائد التشكيل العصابي بحكم منصبه ونفوذه ومعاه أصحاب المصانع اللي بتتعامل مع الوزارة إن فيه مسؤولين ومتهمين جدد سقطوا في يد الأمن في الساعات الأخيرة بعد مداهمة مكتب مستشار وزير التموين وحسب المعلومات تم القبض على مسؤولين في تموين الجيزة والمنيا وبعض المحافظات التانية وكمان مسؤول كبير في شركة الدلتا للسكر وشركات المطاحن.
وكشفت التحقيقات أن المتهمين كلهم كانوا ضمن شبكة للتلاعب في الأسواق وحجب السلع عن المواطنين ورفع اسعارها وعن طريق تقديم رشاوى ضخمة للمسؤولين في الوزارة.

وكان معانا تقرير مهم الأسبوع دا بخصوص قرار صندوق النقد الدولي بفتح صفحة جديدة مع الحكومة المصرية وتعهده بتقديم الدعم للحكومة المصرية في الفترة الجاية والتغاضي عن شرط تعويم الجنيه وكمان مضاعفة قيمة القرض المصري ل6 مليار دولار على حسب توقعات خبراء الاقتصاد.

وخلال مشاركتها في مؤتمر المناخ في الامارات أدلت كريستينا جورجيفيا مديرة صندوق النقد بتصريحات مهمة بعد لقائها مع الرئيس السيسي مجبتش سيرة أى شروط أو مطالب الصندوق عاوز الحكومة المصرية تنفذها ومنها طبعا تمرير سعر صرف الجنيه أمام الدولار وباقي العملات الأجنبية وتسريع برنامج طروحات الشركات الحكومية وده تحول كبير في نبرة الصندوق.

وكان معانا في الأسبوع دا تقرير مختلف ومهم جدا في نفس الوقت بيتكلم عن الجنيه المصري الجديد ومشروع البنك المركزي اللي هينهي أزمة الدولار.

والكلام هنا عن إصدار الجنيه الرقمى ومؤشر الجنيه واللى البنك المركزي المصري بيدرس حاليا إصدارهم بالتعاون مع صندوق النقد والبنك الدوليين ودا فى إطار خطط المركزي لتعزيز التحول إلى الاقتصاد الرقمي وتوسيع نطاق المدفوعات الإلكترونية الفورية بين الأفراد والشركات من غير الحاجة لوسيط.
وشرح التقرير إن العملة الرقمية للبنوك المركزية عاملة زي "الجنيه الرقمي" بتكون عبارة عن نسخ رقمية من النقود الورقية اللى بتصدرها البنوك المركزية وبتنظم العمل بيها ودي بتكون عملات مستقرة زيها زي العملة الورقية او المعدنية مش متقلبة زي العملات المشفرة.
  
منصات بانكير قدمت تقرير مهم عن الديون الخارجية  واللي وصلت بنهاية الربع الأول من 2023 حوالي 165.4 مليار دولار.. ورغم الأزمة اللي بتمر بيها مصر لكن قدر البنك المركزي يسدد حوالى 32.8 مليار دولار وهي بتعادل نحو 20% من إجمالي الديون الخارجية  ديون متوسطة وطويلة الأجل مستحقة خلال 2024.

وفيما يتعلق بالديون قصيرة الأجل مصر مطالبة  بسداد حوالى 9.5 مليار دولار تانية من أقساط الديون والفوائد قصيرة الأجل خلال النص الأول من 2024.. ومن المقرر سداد الجزء الأكبر من الديون دي خلال فبراير ومارس.

كمان بانكير قدمت تقرير من كوب 28 المنعقد في دبي ومكاسب مصر منه .. اللي حصل إن الدكتورة هالة السعيد، وزيرة التخطيط والتنمية الاقتصادية في الحدث الجانبي الذي تنظمه شركة بيبسيكو بالتعاون مع جامعة الدول العربية بعنوان “إطلاق الفرص في الشرق الأوسط: التحول إلى الطاقة المتجددة” واللى اقيم على هامش فعاليات النسخة الـ 28 من مؤتمر الأمم المتحدة المعني بتغير المناخ
وخلال كلمتها أكدت الوزيرة إن مصر قدرت توقع 9 اتفاقيات إطارية بقيمة 84 مليار دولار لإنتاج الهيدروجين الأخضر مع مطورين إقليميين وعالميين ، و22 مذكرة تفاهم مع أصحاب المصلحة الحكوميين المعنيين وكبار المطورين الدوليين لتطوير سلاسل قيمة شاملة للهيدروجين الأخضر تشمل الطاقة المتجددة، ومرافق التحليل الكهربائي، وإنتاج الوقود الأخضر، وفي دفعة إضافية نحو الاستدامة، نعمل أيضًا بنشاط على الترويج لمراكز البيانات الخضراء، وجذب الاستثمارات إلى المرافق اللي بتستخدم مصادر الطاقة المتجددة لتقليل استهلاك الطاقة وتكاليف التشغيل.