محدش هيقدر يشتري عربيات تاني.. إيه اللي بيحصل فى سوق السيارات؟

شراء عربية فى مصر بقا حلم مستحيل يتحقق بسبب ارتفاع اسعار السيارات بشكل مش طبيعي لدرجة ان فيه عربيات اسعارها زادت مليون جنيه وأكتر.. ولو مثلا كان معاك 200 الف جنيه قبل الحرب الروسية الاوكرانية ممكن كنت تشترى بيها عربية كويسة جدا حاليا ال 200 ما يجيبوش الا عربية قديمة وحالتها مش قد كده.. فيا ترى ايه اللى بيحصل فى سوق السيارات فى مصر؟ وهل أزمة الدولار هي السبب فى الارتفاع الجنوني لسعر العربيات ولا فيه اسباب تانية؟ وايه حكاية الاوفر برايس اللى التجار بيحطوه على سعر العربية؟ 
 

وفقا للأرقام الرسمية عادت مبيعات السيارات في السوق المصرية إلى التراجع خلال شهر أكتوبر اللى فات بسبب الارتفاع الكبير فى الاسعار نتيجة تفاقم أزمة الدولار وارتفاع أسعار الصرف في السوق الموازية بنسب كبيرة خلال الشهور الأخيرة. 
وطبقا للبيانات الصادرة عن مجلس معلومات سوق السيارات المصري "أميك"، تراجعت مبيعات السيارات خلال اخر شهرين بشكل بدد الآمال في انتعاش القطاع من جديد بعد تراجع دام حوالى 18 شهر على خلفية أزمة العملة الأجنبية.
وسجلت السوق المحلية مبيعات أقل من 9 آلاف سيارة في أكتوبر بانخفاض بلغت نسبته 9% مقارنة بأرقام سبتمبر لما ارتفعت المبيعات إلى أعلى مستوى ليها خلال آخر سنة 
وجاء التراجع في المبيعات مدفوع بانخفاض مبيعات سيارات الركوب والشاحنات.. وانخفضت مبيعات سيارات الركوب بنسبة 12% على أساس شهري إلى 6970 وحدة وشهدت مبيعات الشاحنات تراجع بنسبة 23% على أساس شهري بعد بيع 995 وحدة لكن في المقابل سجلت مبيعات الشاحنات ارتفاع بنسبة 47%.
ووفق الأرقام دي.. استقرت المبيعات في أكتوبر على أساس سنوي وارتفعت مبيعات سيارات الركاب بنسبة 15%، لكنها ما ساهمتش في تخفيف وطأة تراجع مبيعات الحافلات والشاحنات بنسبة 28% و35% على الترتيب
وبعد المكاسب القوية اللي شهدها شهر سبتمبر يشير تراجع المبيعات من جديد في أكتوبر إلى استمرار الصعوبات اللى بيواجهها الموزعون وشركات تجميع السيارات في تأمين العملات الأجنبية اللازمة لمواصلة عملهم
طب هل أزمة نقص العملة الأجنبية وشح الدولار هما بس السبب فى اللى بيحصل فى سوقث السيارات؟ 
مفيش شك ان أزمة نقص العملة واحدة من أهم الأسباب اللى ادت الى الارتفاع الجنوني فى اسعار العربيت لكن كمان فيه مممارسات احتكارية والاعيب بيعملها التجار خلت الاسعار تعدي حدود المعقول زي مثلا ظارهة الاوفر برايس وده مبلغ كبير جدا بيدفعوا العميل للمعرض او التاجر عشان ياخد العربية اللى عاوزها من غير ما ينتظر شهور لاستلامها يعنى مثلا لو حضرتك عاوز نوع معين من العربيات تويوتا كورولا مثلا لو رحت اى معرض عشان تشترى بالسعر الرسمي المعلن هيقولك مفيش عربيات متوفرة وهيعرض عليك تدفع اوفر برايس او مبلغ اضافي وهو هيوفرلك العربية اللى محتاجها

طب ليه اسعار العربيات المستعملة بتزيد هي كمان ؟ 
ده سؤال مهم .. سوق العربيات فى مصر مرتبط ببعضه وسعر العربية الجديدة لما بيرفع سعر المستعملة بيرفع اتوماتيك لأن اى حد بيبيع عشان يشترى جديد بيقولك الفلوس دي مش هتشترى حاجة وبيرفع سعر المستعمل وعشان كده فيه ركود فى سوق السيارات فى الجديد والمستعمل