الله عليك يا سيسي.. لاول مرة مصر تزيح نيجيريا وتتربع على صدارة اقتصاد افريقيا

ايه اللي حصل في الساعات الأخيرة وصندوق النقد الدولي قال ايه عن مصر وهل اللي حصل دا معجزة ومصر رايحة على فين وايه. علاقة مصر بنيجيريا في تقرير الصندوق.. والاهم مصر ازاي قدرت تعمل دا في الظروف الاقتصادية الصعبة جدا في مصر والمنطقة
 

 
فاكرين لما كنا بنقول يا جماعه أن اقتصاد مصر جاي وأنها هتكون في حتة تانية ودا مش كلامنا والله دا كلام المؤسسات المالية الدولية واللي بتحصل اقتصاد كل دولة بالشعرة وتشوفه رايح فيه وهيحقق ايه وامتي والموضوع ماشي بحسبة اقتصادية بحتة .. لكن ناس كتير كانت بتشكك في قدرة مصر على الصمود بس مش الانطلاق.. النهاردة مصر بقت اقوى اقتصاد في أفريقيا يامصريين بعد إزاحة نيجيريا صاحبة اقوي اقتصاد في القارة على مدار 12 سنة... حضرتك متخيل انك وانت في عز أزمة دولار ودهب وارتفاع أسعار وعليك ديون وكله بيقطع فيك تبقي الاقتصاد رقم واحد في القارة ... تعالوا نشوف اللي حصل

في اخر كام ساعة ظهر وتداول تصنيف جديد لصندوق النقد الدولي، وتصدرت مصر الترتيب من حيث أقوى اقتصاد في القارة الأفريقية، و اعتمد الصندوق في تصنيفه على مؤشرين أساسيين هما، حساب بيانات الناتج المحلي، وتعادل القوة الشرائية في البلاد.. عشان محدش يقول إننا بنبالغ في الأرقام.

وحسب التقرير اللي نشره الموقع المتخصص "أنسايدر مونكاي"، تم استخدام الناتج المحلي الإجمالي على أساس تعادل القوة الشرائية للبلدان لتصنيف أكبر الاقتصادات في أفريقيا لعام 2023، تم الحصول عليها من صندوق النقد الدولي.

وطبقًا لتقرير أكتوبر 2023 واللي أصدره صندوق النقد الدولي أعتلت مصر عرش أكبر اقتصادات أفريقيا من حيث الناتج المحلي الإجمالي للمرة الأولى في تاريخها وذلك بعدما أزاحت مصر نيجيريا التي احتفظت باللقب لمدة تزيد عن 12 سنة.

وحسب الصندوق سجل الاقتصاد المصري قيمة إنتاج بلغت 398.4 مليار دولار في 2023 وذلك انخفاضًا عن 476.7 مليار دولار في 2022 بسبب انخفاض قيمة الجنيه أمام الدولار حيث سجل الدولار الواحد 31 جنيه في 2023 مقابل 15.5 جنيه في 2022.

بينما سجلت نيجيريا 390 مليار دولار في 2023 مقابل 477.3 مليار دولار في 2022 بسبب انخفاض قيمة النيرة أمام الدولار حيث سجل الدولار الواحد 638 نيرة في 2023 مقابل 448 نيرة في 2022.

وقال الصندوق أن مصر بتشارك بـ13.9% من حجم اقتصاد أفريقيا البالغ 2.9 تريليون دولار وتطمح بتسجيل تريليون دولار ناتج محلي سنويًا في غضون السنوات الستة المُقبلة.
خلص كلام الصندوق والأرقام بخصوص تصنيف اقتصاد مصر لكن الحكاية لسه مخلصتش وهي ازاي مصر قدرت تعمل كده في ظل كل الظروف اللي سبق وقلناها ازاي قدرت البلد تسابق كل الدول وتحقق نتيجة استثنائية كمان وتتخطي نيجيريا وازاي مصر سبقت الكل وهي بتجري في حقل ألغام كله مؤامرات ومخططات وعراقيل وتشويه وتقارير سلبية وحاجات توقع اي بلد.. اللي حصل إن السيسي بنى دولة جديدة في أقل من 10 سنين خلتها عفية ومناعتها قوية جدا.. دولة قادرة تعافر دلوقتي و تتقدم وتستحمل كل حاجة وتقدر ترد وتهدد وتنطلق .. دولة اتبنت صح في البنية الأساسية واستغلال الموقع الجغرافي الفريد واستغلال امكانياتها صح وعشان كده اتحطت على الطريق الصح لاول مرة في تاريخها بعد عصر محمد علي باشا.