اوعى تشتري بيت تعيش أو تستثمر فيه قبل ما تشوف الفيديو دا
العقارات مابتخسرش دي حقيقة أكدها الزمن.. البيت اللي كان ب ٣٠٠ ألف زمان دلوقتي يسوى مليون.. علشان كدا هانعرفك لما تيجي تشتري بيت لازم تعمل اية ولازم تتجنب اية
في العالم بتاعنا المعقد دا.. اللي في حروب كتير وفيروسات وظروف اقتصادية صعبة.. الاستثمار هو مش اختيار.. دا ضرورة ملحة ولابد منها... وعلشان تشتري بيت سواء تعيش فيه أو تستثمر فيه فلازم ولابد مش بس يكون عندك إصرار وتصميم.. لأ كمان لازم يكون عندك خطة استراتيجية تفصيلية ودا اللي هانقولك عليه النهاردة.
ولازم تعرف إن التخطيط لشراء منزل مش مجرد عملية إدارية.. لأ.. دا استثمار في مستقبل مالي مستدام وجودة حياة مستمرة به.
وعلشان كدا كلمنا متخصصين في القطاع العقاري علشان نعرف منهم اية الخطوات اللي أي حد ممكن يعملها علشان يشتري منزل يعيش فيه سواء بغرض الإقامة أو بغرض الاستثمار.
وغالباً كلهم اتفقوا على الحاجات اللي هانقولك عليها دي.
أولا لازم لما تيجي تشتري بيت هو أنك تحدد الاحتياجات والرغبات الأساسية بمعنى أنك تحدد عدد الغرف والمسافة من العمل أو المدارس، والمرافق المحيطة.
كمان لازم تحدد الميزانية.. ودي بتم بحسب قدرة الفرد على دفع المبلغ الشهري للتمويل العقاري أو الأقساط.
وبالنسبة لمسألة الاقتراض بغرض شراء سيارة فلازم ماتاخدش الخطوة دي وهي أكبر من طاقتك يعني لازم تكون قادر تسدد في المستقبل الأقساط للبنك.
كمان ضروري اوي أنك لما تيجي تشتري بيت تختار موقع مميز للبيت بحيث أنه يكون ملبي احتياجات الفرد وتتناسب مع ميزانيته.
ماتنساش لما تيجي تشتري بيت أنك تستأجر فني تقييم عقارات يعرف حالة المنزل علشان ماتلبسش.
واوعى اوعى تنسى أنك لما تيجي تشتري بيت أنك ماتاخدش الوثائق القانونية وتتحقق من الضرائب والرسوم.
أخيرا ماتشتريش البيت بالسعر اللي صاحبه هايقولك عليه وخلاص.. لأ.. لازم تتفاوض على السعر.
العقارات زي الدهب هي وسيلة تحوط آمنة يعني لو استثمرت في العقارات فلازم ماتبيعش قبل ٣ أو ٤ سنين.. لأن سعرها بيزيد مع الوقت.
