أعلى حساب توفير في البنوك دي في مصر.. أعرف التفاصيل

علشان تعمل شهادة لازم علشان تلغيها وتاخد فلوسك يكون عدى ٦ شهور.. لكن في حساب التوفير بيكون في حرية أكبر ف السحب والايداع في أي وقت.. وعلشان في ناس كتير بتفضل حساب التوفير هانقول لحضراتكم النهاردة اية أفضل حسابات التوفير في البنوك في مصر

بدل ما تستنى ٦ شهور في شهادة تقدر تسحب فلوسك في أي وقت لو أنت عامل حساب توفير.. وكمان النسبة في الغالب أعلى.

والبنوك في مصر بتتنافس في تقديم حسابات توفير مرتفعة العائد.. واللي بتصل ل ٢٠٪ أحيانا.

وتحت مسمى حساب التوفير جولدن بلس. البنك العربي الإفريقي الدولي، بيقدم دلوقتيو حساب توفير بعائد هو الاعلى من نوعه يصل إلى %20.

وعلشان تفتح حساب توفير  في البنك العربي الافريقي الدولي، فلازم  الحد الأدنى يكون  50,000ج، وبيتم احتساب الفائدة على أقل رصيد في خلال الشهر.. يعني يوم ١ في الشهر بيتم احتساب العائد.

وماتقلقوش  تكلفة مصاريف فتح الحساب هي 50 جنيه والمصاريف الدورية 15 جنيه شهريا، وبيتم خصم 60 جنيه مصاريف على الحد الأدني عن الشهر.

والبنك هايصرف  العائد على حساب التوفير الجديد بنظام  شهري أو ربع سنوي أو نصف سنوي أو سنوي.

وفي البنك الأهلي الكويتي، تقدر برضوا تفتح حساب توفير بعائد يصل إلى 15% بحد أدنى 5000 جنيه لفتح الحساب واحتساب العائد.

بينما تقدر تفتح حساب التوفير من بنك بلوم مصر بسعر فائدة يصل إلى 12.5% بحد أدنى 5000 جنيه لفتح الحساب واحتساب العائد.

وفي بنك أبو ظبي التجاري .. تقدر تفتح حساب التوفير Saving account بسعر فائدة يصل إلى 12.5% بحد أدنى 5000 جنيه لفتح الحساب واحتساب العائد.

وأخيرا تقدر تفتح حساب التوفير ستار من بنك التنمية الصناعية واللي بيقدم سعر الفائدة بيصل ل 12% على حساب التوفير «ستار» بالجنيه بحد أدنى 5000 جنيه لفتح الحساب واحتساب العائد.