التقديم 3 ديسمبر.. شقق جديدة في الإسكان لمحدودي الدخل
عايز شقة جديدة في الإسكان وماتعرفش الطرح الجديد امتى؟ وعايز كمان تعرف سعر شقة الإسكان؟ وفين أماكن الطرح.. شوف الفيديو دا وهاتعرف كل حاجة
طبعا في ناس كتير عايزة شقة مناسبة لاماكنياتها في وزارة الإسكان.. وعلشان كدا خلال الأسبوع الماضي، وزير الإسكان والمرافق والمجتمعات العمرانية، أعلن خلال الأسبوع الماضي عن فتح صندوق الإسكان الاجتماعي ودعم التمويل العقاري، لباب التحويل بالنسبة للإعلان التكميلي للطرح الأول لـ"سكن لكل المصريين 3"، واللي بيتم بنظام التمويل العقاري، وتحديدا للمواطنين اللي كانوا حجزوا في الطرح الأول للإعلان.
وبرضوا كانت مي عبد الحميد، الرئيس التنفيذي لصندوق الإسكان الاجتماعي ودعم التمويل العقاري، أكدت إنه هيتم فتح باب التقديم بالإعلان التكميلى يوم الأحد الموافق 3 ديسمبر 2023، ودا لمدة شهر وحتى يوم الخميس الموافق 4 يناير 2024.
وكمان هايتم إتاحة كراسة الشروط متضمنة خطوات التحويل عبر الموقع الإلكتروني الرسمي للصندوق "Cservices.shmff.gov.eg".
وبالنسبة لأنواع الوحدات السكنيه اللي هاتكون متاحة بسكن لكل المصريين 3.. فهي شقق مساحتها بتبلغ 90 مترًا (3 غرف وصالة)، وتنقسم إلى وحدات جاهزة للتسليم، بنفس سعر وشروط الإعلان الأصلي.. والتسليم هايكون خلال 36 شهرًا بفائدة 7.5 % ثابتة لمدة 20 عاماً.
وبحسب الإعلان، ف مبلغ الدعم المقدم للمواطنين هايزيد من 60 ألف جنيه إلى 120 ألف جنيه للوحدات تسليم 36 شهرا، ودا علشان الظروف الاقتصادية العالمية، واللي أثرت على الأسعار بصورة سلبية.
وبالنسبة لأنظمة سداد شقق سكن لكل المصريين 3.. فيما يتعلق بالوحدات الجاهزة للتسليم الفوري، واللي بتنطبق عليها شروط الإعلان الأصلي، فدي هايتم استكمال الدفعة المقدمة بحد أدنى 10 % من إجمالي قيمة الوحدة السكنية عند التعاقد، مع إضافة 5% من سعر بيع الوحدة السكنية كمبلغ للصيانة.. وهايتم سداد المبلغ في أحد مكاتب البريد المميكن خلال فترة الإعلان.
وكمان هايتم سداد دفعات ربع سنوية تبدأ بعد 3 أشهر من غلق الإعلان ولمدة 3 سنوات، وتبلغ قيمة الدفعة 6 آلاف جنيه.
والشقق دي هتكون في البحيرة والإسكندرية والجيزة والشرقية والمنيا والفيوم وسوهاج والمنيا وفي محافظات تانية هايتم الإعلان عنها
