أكتر استثمار مربح فى مصر.. أرباحه زادت 100% فى أخر سنة

  
يا ترى ايه أكتر استثمار مربح فى مصر؟ هل الدهب ولا الدولار ولا شهادات الاستثمار؟ وهل فيه استثمار ممكن يحقق عوايد وأرباح بنسبة 100% فى سنة واحدة؟ وازاى ممكن تستثمر فلوسك بأعلى عائد وفى نفس الوقت فلوسك تكون مضمونة؟ 
 

 
فيه مجالات كتير للاستثمار فى مصر.. وكلها طبعا بتحقق أرباح كبيرة يعنى عندك مثلا الدهب زينة وخزينة زي ما بنقول عليه وتقدر تشترى الكميات المناسبة لفلوسك وتبيعها لما تحتاج والميزة ان الدهب سهل تسييله وبيعه فى أى لحظة لكن عشان تستثمر فيه محتاج متكنش عاوز المبلغ بتاعه لفترة طويلة سنة على أقل تقدير.. وفيه كمان شهادات الاستثمار اللى بتطرحها البنوك المصرية واللى بتوصل العوائد عليها فوق ال 20 % .. لكن فيه قطاع تانى بيحقق 100% أرباح والقطاع ده هو قطاع العقارات.
وبلغة الأرقام شهدت أسعار العقارات في مصر ارتفاع كبير جدا خلال العام 2023  بنسبة وصلت 100% في بعض المشروعات الجديدة بسبب ارتفاع التضخم وزيادة تكاليف الإنشاء وانخفاض العملة المحلية.. بجانب كمان ارتفاع الطلب على العقار للتحوط من خفض جديد في سعر صرف الجنيه.
ورغم الانخفاض الطفيف في معدلات التضخم الأساسي إلا أن أسعار العقارات ارتفعت بنسبة تقارب 70% في آخر 6 شهور في مدن القاهرة الجديدة والعاصمة الإدارية، وغرب القاهرة، العين السخنة، والساحل الشمالي اللي شهد أعلى ارتفاعات في الأسعار.
وشهدت أسعار العقارات في الربع التالت السنة دي  ارتفاع كبير مقارنة بالأعوام اللى فاتت بنسي تصل إلى 45% في القاهرة الجديدة، و40% في غرب القاهرة بسبب ارتفاع الطلب على العقار بجانب الضغوط التضخمية في مصر.
ومش بس شراء العقارات هو اللى مربح أسعار الإيجارات زادت زيادة سنوية بلغت 22% في غرب القاهرة ، و18% في القاهرة الجديدة، بحسب تقرير أصدرته شركة "جيه إل إل" عن أداء سوق العقارات في القاهرة خلال الربع التالت من 2023.
ارتفاع أسعار العقارات بالشكل ده كان سببه  الارتفاعات الكبيرة والمستمرة في أسعار مدخلات البناء زي الحديد والأسمنت وغيرها وقلق كتير من المطورين من الأسعار وقدرتهم على إتمام تنفيذ المشروعات في التوقيتات المتفق عليها مع العميل.

وبيعتبر  الساحل الشمالي أكتر الأماكن اللى عليها طلب في الوقت الحالي باعتباره أهم الوجهات السياحية الساحلية اللي بتتمتع بفرص استثمار واعدة بالاضافة لجهود الدولة في إنشاء بنية تحتية قوية.
وارتفعت أسعار العقارات بالساحل الشمالي بنسبة تجاوزت 100% نتيجة إقبال قوي من العملاء المصريين داخل مصر وخارجها على منتجات الشركات بالساحل الشمالي، وتحقيق عوائد استثمارية حقيقية من وحداتهم، بالاضافة الى ان المنطقة لسه سوق جديدة محتاجة الكثير من العقارات بمختلف أنواعها وعلى رأسها الوحدات الفندقية  وهي كمان من أفضل المناطق اللي تقدر تساعد على تصدير العقارات المصرية "وبيع العقارات للأجانب لأن فيها إمكانات وخصائص تناسب العميل الأجنبي والعربي.
وبعيد عن الساحل الشمالى شهدت أسعار العقارات في العاصمة الإدارية الجديدة زيادة بنسبة 37.72% للشقق السكنية، بينما أسعار الفلل سجلت زيادة بنسبة 45.5% 
وحلت مشروعات منطقة شرق القاهرة في المرتبة التانية  بعد الساحل الشمالي في ارتفاعات الأسعار التلي سجلت نسبة زيادة تخطت100% في أغلب عقارات القاهرة الجديدة والتجمع الخامس بمختلف أنواعها