قبل السيسي ما يغضب.. قرار عاجل من الاتحاد الأوروبي لمصر بسبب حرب غزة

السياسة والاقتصاد وجهين لعملة واحدة وفي النهاية الاتنين بيصبوا في خانة المصالح اللي هي أساس العلاقات بين الدول، يعني ممكن دولة تكون بعيدة عنك لكن بتتحكم في امنك القومي والعكس صحيح ودايما الاقتصاد بيكون الأداة المستخدمة في تحقيق المصالح المشتركة للدول وعشان كده قالوا مفيش صداقة بدوم ولاوعداوة بتستمر لكن فيه مصالح دائمة..  ايه المصالح المشتركة بين مصر والاتحاد الأوروبي وايه الإجراء السريع اللي أوروبا خدته عشان مصر وموقفها من غزة والأحداث في منطقة وايه سر الاهتمام الأوروبي المفاجيء بمصر وايه حكاية الخوف من غضب السيسي.
 

 
عشان تبقي عارفين مصر وأوربا بتربطهم جغرافيا قريبة ومصر هي بوابة الجنوب لاوروبا الغربية ومش بيقصل بينهم غير. كيلومترات في البحر وعشان كده أوروبا بتهتم جدا باستقرار مصر وبقوتها في جنوب المتوسط ولان مصر القوية حماية لاوروبا ولو كان العكس كانت دول أوروبا هتبقى مستباحة من المهاجرين وعددهم بعشرات الملايين والجماعات اياها وخطر كتير جدا عشان كده استقرار مصر هو مسألة أمن قومي لاوروبا ودي المصالح اللي بنتكلم عليها ومصر عمرها ما طلبت مقابل لدورها دا لأن قدرها ومكانتها في المنطقة بتقول إن لازم تكون قوية ورائدة وزعيمة لكن اووربا لما تحب تساعد مصر بشكل غير مباشر يبقي بتساعد نفسها وبتعزز أمنها الاستراتيجي يعني بتستثمر في أمنها هي واستقرارها وعشان كده مصر أهم دولة وشريك للاتحاد في حوض المتوسط.

طيب ليه بنتكلم عن العلاقات المصرية الأوربية دلوقتي.. شوف عشان أوروبا عارفة إن مصر يتواجه أزمة اقتصادية وضغوط خارجية لكن موقفها في أحداث غزة وتدخلها لمنع التدهور في الأحداث واتساع الصراع خلي أوروبا تمد يد العون لمصر علشان الأمور لو ساءت هي بردوا هتدفع التمن ومن مصلحتها الصراع ينتهي بسرعة لأن المظاهرات مش واقفة في شوارع أوروبا ودا غير الآثار الاقتصادية وقرب أوروبا من مناطق الصراع ولأن مصر هي اللي بطفي الحرايق اووربا قررت تساعد مصر في الخروج من أزماتها ورصدت حوالي 10 مليار دولار تقريبا حسب الكلام اللي بتاكده مصادر أوروبية واللي اتفقت أن يكون فيه دعم عاجل وسريع لمصر.

وطبعغ الاتحاد الأوروبي عارف إن الاقتصاد المصر  ييعاني من ضائقة مالية وهي من أسوأ الأزمات من سنين ، مع وصول درجات الائتمان إلى مستوى خطير، وتأخير مراجعة البرنامج مع صندوق النقد الدولي والنقص لبحاد في النقد الأجنبي وإن مصر وخفضت عملتها 3 مرات بداية من 2022، مع ارتفاع التضخم وخسارة الجنيه نصف قيمته بجانب عبء الديون الخارجية.

والمصادر قالت إن الاتحاد الأوروبي قرر تسريع الجهود الرامية لتعميق علاقته مع مصر ومساعدتها على معالجة التداعيات المتزايدة الناجمة عن الصراع بين إسرائيل وحماس على حدودها .. وإن رئيسة المفوضية الأوروبية أورسولا فون دير لاين بتخطط لزيارة القاهرة قريب جدا لتعزيز الجهود لدعم التنمية الاقتصادية في مصر وتخفيف تأثير الأزمة المستمرة... وان الاتحاد الأوروبي شغال في عمل شراكة جديدة مع مصر لكن الأولوية دلوقتي لتسريع جهود مساعده مصر نظرا لأهمية القاهرة الاستراتيجية والمخاوف بشأن زيادة تدفقات اللاجئين، بما في ذلك من الدول الأفريقية مثل السودان.. فهمتهوا بقي سر اهتمام أوروبا بمصر وازاي السيسي استغل موقعها الجغرافي الفريد عشان يدي قوة لبلده ويمسك في أيده مفاتيح السياسة  والقوة والضغط والتأثير وتخيل كده لو السيسي غضب أو كانت سياسة الاتحاد الأوروبي معادية لمصر كان زمان حول حياة أوروبا لجحيم لايطاق وهي دي ادوات القوة أنك تقدر تأثر على اللي حواليك من غير ما تحرك جيشك..

طيب مين اللي فكر في مساعدة مصر من الاتحاد الأوروبي وكان قيمة الدعم... اللي واضح دلوقتي ان دعم مصر قرار جماعي داخل الاتحاد لكن  ألمانيا وفرنسا،  هما اللي بيقودوا التنسيق وإن فيه خطة دعم سريع لمصر تتضمن 6 أولويات تتراوح بين الاقتصاد، والاستثمارات، والهجرة، والأمن... وعلى الصعيد الاقتصادي، يرغب الاتحاد الأوروبي في استكشاف الخيارات مع الدول الأعضاء لمساعدة مصر على معالجة عبء ديونها الثقيل..  بالإضافة لكده الاتحاد الأوروبي عنده  خطة استثمارية تهدف إلى تقديم 9 مليار يورو  حوالي (9.8 مليار دولار) في القطاعات؛ الرقمية والطاقة والزراعة والنقل، والتي يتخللها منتدى استثماري مخطط له في الربيع المقبل... ونخلي بالنا من العبارة الأخيرة دي وهي المنتدى الاستثماري  ودا معناه أن اووربا بجلالة قدرها هتعمل منتدى للاستثمار مخصوص لممصر  ودا اكيد هيفتح الطريق قدام عشرات المليارات من الدولارات للاستثمار في مصر.