شبكة سيتي باص.. مواصلات مصر من الشعبطة للمترو الهيدروجيني

كلنا فاكرين زحمة المواصلات في السبعينات والتمانيات والشطعبطة في الاتوبيسات وخش جوه قدام فاضي والافلام الكتير اللي وثقت حال المواصلات العامة في مصر  وإنها كانت عبارة عن اتوبيسات كهنة ماشية في الشارع والناس فيها مش عارفة تتنفس.. ايه اللي حصل في النقل العام وازاي السيسي حول شبكات المواصلات لخدمات ترفيهية وجمالية وحديثة وايه حكاية سيتي بص اللي أطلقتها وزارة النقل في العاصمة.
 

 
زي ماقلنا عشان تركب مواصلة عامة تبع الحكومة وتروح شغلك فدا كان درب من دروب الجهاد لانه كان بمثابة رحلة عذاب شديد ودا غير التأخر عن الوصول لمكان العمل ودا كان بسبب زحام وسائل المواصلات من ناحية ومن ناحية زحام الطرق العربيات وفي الإشارات وعشان كده كان لازم حل شامل لأزمة الزحام من كل جوانبها وبدأت مصر بناء وانشاء احدث شبكة طرق ومحاور وكباري لفك الزحام وتسليك شرايين القاهرة الكبرى المسدودة.

بعد سنين ليلها كان نهارها قي في الشغل والبناء قدرت مصر يكون عندها شبكة من احدث شبكات النقل والطرق في العالم وبالتوازي بدأت نهضة شاملة في وسائل المواصلات وتطويرها واستحداث وسائل جديدة وصديقة للبيئة وكمان جمالية وتنفع وسيلة سياحية يعني هتروح شغل في المعاد وكمان هتستمتع بجمال المواصلات.
مصر عملت كل حاجة في وسائل النقل ومن اتوبيسات زكية وخضراء وترددية ومترو اخضر ومونوريل وقطار خفيف وقطار كهربائي سريع واخيرا مترو هيدروجيني وكلها بدأت تشتغل أو على وشك الدخول في الشبكة الموحدة واللي هتكون احدث شبكة مواصلات في العالم.
وزارة النقل  أطلقت اسم الملك "سيتي" على شبكة حافلات القاهرة الكهربائية الجديدة بنوعيها الترددية والعادية لتحمل شعار "SetiBus" تحريفًا للمصطلح العالمي لشبكة أتوبيسات المدن "CityBus".

الملك سيتي زي ما احنا عارفين أحد أشهر حكام مصر القديمة كان قد حكم البلاد مدة تزيد عن أربعة سنوات رغم قصر مدة حكمه الإ أنه استطاع توطيد علاقات مصر بجيرانها وكان أول من عقد معاهدة للسلام في التاريخ حيث عقد معاهدة للسلام مع الحثيين على بوابة مصر الشرقية ليضع بذلك حدا لسلسلة من الحروب والصراعات التي كانت تهلك الدولة المصرية وخزانتها.

والاعظم في القصة إن الحافلات أو الاتوبيسات الكهربائية الجديدة واللي دخلت الخدمة بالقاهرة وضواحيها بتحمل شعار صنع في مصر واللي بتقوم بتوريدها شركة MCV المصرية العالمية بعد منافسة شديدة مع عدد من الشركات المصرية على رأسها ؛ كستور وجي بي بولو والجيوشي لتعلن وزارة النقل بذلك اكتفائها الذاتي من الأتوبيسات بعد تعهد الفريق كامل الوزير بعدم إستيراد أي حافلة أخرى من الخارج بعد اليوم.

وزي ما قلنا امبارح شركة MCV المصرية هاورد صفقة اتوبيسات ذكية لألمانيا والاتوبيس المصري هيكون المواصلة العاملة في برلين والألمان وسبق وصدرت الشركة اتوبيسات بدورين لشركة اتوبيسات لندن يعني مصر بقت تصنع احدث الاتوبيسات في العالم وتصدرها كمان وبقي عندها احدث شبكات مواصلات ذكية في العالم وكل دا حصل في أقل من 8 سنين.