ايه اللي بيحصل في سوق السجاير.. أزمة الكيف تتصاعد

با ترى ايه اللي بيحصل في سوق السجاير بالظبط؟ وليه الأسعار رجعت ترفع من تاني بشكل مبالغ فيه؟ وليه الشرقية للدخان وقفت البيع امبارح ؟ وامتى هيتم اعلان الاسعار الجديدة  للسجاير ؟ وهل فيه علاقة بين اللي بيحصل وأزمة نقص العملة وشح الدولار؟ 
 

في الساعات الأخيرة 
الشركة الشرقية للدخان "إيسترن كومباني" اعلنت اعتماد مجلس إدارة الشركة قائمة أسعار منتجات السجائر والمعسل والسيجار ودخان الشعر، وفق تنفيذ أحكام ضريبة القيمة المضافة وتعديلاتها الصادرة بالقانون رقم 177 لسنة 2023، على أن تطبق الأسعار الجديدة اعتباراً من صباح  الخميس الموافق 9 نوفمبر.
وضمت الزيادات حوالي ١١ صنف من السجاير الشعبية وبنسب زيادة تراوحت ما بين ١٢% و٣٣%..وده بالتزامن مع موافقة مجلس النواب على مشروع قانون لزيادة حصيلة القيمة المضافة المطلوبة في الموازنة من شركات السجائر.
وعلى الرغم من ارتفاع أسعارها بشكل قياسي خلال الأيام اللي فاتت بتشهد السوق المصرية اختفاء عدد كبير من أنواع السجائر وسط حديث عن قيام كبار الموزعين بوقف البيع لحين تطبيق الزيادات الرسمية الجديدة في الأسعار.
ومنذ الأسبوع قبل اللي فات بدأت بعض الأنواع زي "إل إم" و"مارلبورو" في الاختفاء من السوق على الرغم من بيعها بأسعار تتجاوز الأسعار الرسمية بأكتر من 35%.

ومن ايام قليلة صدق الرئيس  عبد الفتاح السيسي على مشروع قانون جديد بتعديل بعض أحكام الضريبة على القيمة المضافة على منتجات التبغ، واللي بتنص على زيادة بقيمة 50 قرشا في أسعار منتجات التبغ بمختلف أنواعها بما فيها منتجات التبغ الساخنة والتبغ السائل.. لكن الشركات استغلت القرار ده ورفعت اسعار بعض أنواع السجاير ٥ جنيه في العلبة الواحدة.

وووفقا لتقديرات غير رسمية من المتوقع ان الضريبة الجديدة هتدر حوالي 8 مليار جنيه.

وفي الوقت اللي ممكن تساعد فيه الضريبة الجديدة على استقرار السوق بيبيع التجار  منتجات السجائر بأسعار أعلى من الأسعار الرسمية في الأشهر الأخيرة بسبب النقص في السوق الناجم عن ارتفاع تكاليف الإنتاج وأزمة نقص العملات الأجنبية.

وهتساعد حصيلة الضريبة الجديدة شركات السجاير على تحمل التكاليف وزيادة الإنتاج. وإلى جانب ده ممكن  تساهم العائدات الدولارية لصفقة بيع حصة في الشركة الشرقية للدخان لمستثمر إماراتي في دعم الصناعة، خصوصا في ظل الضغوط اللي عانت منها الشركة المملوكة للدولة بسبب أزمة نقص العملة الأجنبية وارتفاع التضخم.

وفي سبتمبر اللي فات تم الإعلان عن استحواذ شركة "جلوبال" للاستثمار القابضة الإماراتية على حصة تبلغ 30% في الشركة الشرقية للدخان، في صفقة بقيمة 625 مليون دولار.