بلاش السيسي.. تفاصيل رسالة دبت الرعب في قلب نتيناهو

إزاي  السيسي قلب الترابيزة في وش نتيناهو وبايدن وإزاي قلب السحر على الساحر، وايه رسالة التحذير اللي وصلت نتنياهو بخصوص تعامله مع الرئيس المصري، وإزاي مصر طوعت الأحداث الأخيرة عشان تصب في صالح الدولة المصرية والعرب

بلاش تغضب الرئيس المصري السيسي بأي تجاوزات على الحدود ولا في موضوع التهجير واحذر غضبة دي الرسالة اللي وصلت رئيس وزراء الكيان المحتل من جانب الراعي الرسمي ليه الرئيس الأمريكي بايدن ودي بعد مكالمة طويلة بينه وبين الرئيس السيسي نهي فيها الكلام عن موضوع التهجير أو المساس بالحدود وتأكيد الرئيس السيسي لبايدن في المكالمة إن أمن مصر لايقبل المناقشة واتفق معاه بايدن ونقل الرسالة لنتيناهو وأقوله فيما معناه السيسي مش بيهزر وهو الضمانة الوحيدة دلوقتي عشان الأوضاع ماتخرجش عن السيطرة وأقنعه يدخل المساعدات من الجانب المصري ويخلي باله في حدوده مع مصر.

إزاي السيسي قدر يقلب الطاولة في وش نتيناهو.. شوف حضرتك من ساعة عملية طوفان الأقصى يوم 7 أكتوبر اللي فات دخلت المنطقة في نفق مظلم واتسعت دايرة الصراع بشكل كبير وكلنا متابعين الأحداث وبسبب الصدمة اللي عاشها الاسرائلين في أول الأحداث الانتقام عمى عيون قادتها وفكروا إنهم هيقدروا يمسحوا غزة من على الخريطة وبدأت دايرة الانتقام الدامي من الفلسطنيين وحنقت القطاع ومنعت وصول الأكل والشرب والدواء والوقود وقطعت الكهربا لتفنيذ مخطط اكبر وهو الضغط على السكان بالغارات الجوية عشان يهربوا من القطاع ويروحوا مصر وسينا أولى بيهم..
كان ممكن المخطط دا يتم بسهولة جدا لولا إن فيه زعيم جاي من خلفية مخابراتية وكان كل لعبه مع التعالب والخطط والمؤامرات وبيعرف على طول الشر جاي منين وبيفهمها وهي طايرة، وفورا خد موقف عنيف من اللي بيحصل في غزة وأصر على دخول المساعدات وطلب من العالم ارسال طيارات المساعدت لمطار العريش وقدر يدخلها رغم الرفض الإسرائيلي القاطع في البداية لكن مكالمة واحدة عملها السيسي مع بايدن خلص الموضوع وبعدها نسف الرئيس السيسي فكرة الوطن البديل واعتبره لعب بالنار وجت بعدها رسالة طبول الحرب من الفرقة الرابعة مدرعات في الجيش التالت بالسويس والرسالة وصلت.

كل أحلام نتيناهو في الانتقام وإزالة قطاع غزة من الوجود تلاشت على صخرة عناد السيسي وقوة موقفه وشخصيته اللي مابتعرفش الهزار، والنهاردة مصر طلعت الجرحي الفلسطنين من قلب القطاع عشان يكملوا علاج في المستشفيات المصرية ومقدرش نتيناهو يضرب رصاصة واحدة على عربيات الإسعاف المصرية لانه هو عارف بيلعب مع مين.