دولارات مزيفة وعصابات منظمة .. ظاهرة خطيرة في السوق السودا للدولار

 
طول الوقت بنقول لحضراتكم ان التعامل مع البنوك في تبديل العملات الأجنبية آمن ومضمون ومش هيعرضك لا للخطر ولا للنصب وهيحمي فلوسك وهيحافظ عليها.. وده لأن البنوك وشركات الصرافة المعتمدة هي القنوات الشرعية الوحيدة لتداول العملات الأجنبية غير السوق السودا اللى كلها حوارات ونصب وفلوسك فيها ممكن تطير في ثانية ومحدش هيعرف يرجعهالك ده غير انك بتعرض نفسك للمساءلة القانوينة لان الاتجار في العملة جريمة بيعاقب عليها القانون بالحبس والغرامات المغلظة.. طب ليه بنقول لحضراتكم كده ؟ وايه اللى حصل في الساعات الخيرة بيأكد الكلام اللى بنقولوا ؟ وايه حكاية عمليات النصب والعصابات اللى ظهرت في السوق السودا؟
 

 
فيه خبر حصل من كام يوم عدا وسط الزحمة ومحدش خد باله منه خالص.. خبر خطير جدا لازم يخلى أى حد بيتعامل في السوق السودا يفكر 100 مرة لأن ممكن شقا عمره يضيع في لحظة ومحدش هيقدر يساعده ده كمان ممكن يعرض نفسه للحبس .. والخبر بيقول ان النيابة المختصة أمرت بحبس 10 أشخاص على ذمة التحقيقات في اتهامهم بتكوين تشكيل عصابي للنصب على المواطنين كان بيضحك على الناس ويبيعلهم دولارات مزيفة على انها حقيقية 
الواقعة بدأت ببلاغ لقسم شرطة دار السلام بمديرية أمن القاهرة من اتنين أصحاب شركات بمحافظة بالقاهرة قالوا في البلاغ انهم اتعرفوا على شخصين من خلال موقع التواصل الاجتماعي "فيس بوك" واتفقوا يتقابلوا في داسيرة القسم لاستبدال مبلغ مالي بالعملة الأجنبية وعقب انصراف الشخصين بالفلوس المصرية اكتشفوا  بأن العملات الأجنبية اللى استلموها مزيفة ومضروبة .

أجهزة الأمن كثفت البحثن عن المتهمين بعد الإبلاغ بأوصافهم وتم القبض (عاطلين وربة منزل)، ولقوا معاهم مبالغ مالية من العملات المحلية، وعملات أجنبية مُقلدة و2 بطاقة بنكية ودراجة نارية من غير لوحات.
التحقيقات كشفت أن المتهمين كونوا تشكيل عصابي تخصص نشاطه الإجرامي في النصب على المواطنين راغبي استبدال العملات المحلية بعملات أجنبية في السوق السودا للعملة.. وانشأوا حسابات وهمية على موقع "فيسبوك" وتواصلوا مع راغبي استبدال العملة المحلية بالدولار لتنفيذ جرايمهم.
التحقيقات كشفت كمان أن المتهمين تحصلوا على العملات الأجنبية "المقلدة" من سائق، مُقيم بدائرة قسم شرطة الساحل - صدر قرار بحبسه - وعثر بحوزته على مبلغ مالي مقلد من العملات الأجنبية وبعد القبض عليه اعترف اعترافات تفصيلية عن عمليات النصب اللى قاموا بيها.
وبعد استكمال التحريات قدر  رجال الشرطة انهم يوصلوا  لباقي مصادر العملات الأجنبية "المقلدة" وهم 3 أشخاص بالقاهرة والجيزة وبحوزتهم نص مليون دولار أمريكي "مزيفة"، وأرشدوا رجال المباحث على مطبعة في إمبابة كانوا بيستعينوا بيها في تزوير العملات .. وعثر بداخل المطبعة على (مبالغ مالية عملات أجنبية "مقلدة"- 5750 ألف فرخ ورق كبير الحجم جاري تجهيزهم لطباعة العملات المقلدة - و 3 أجهزة حاسب آلي وطابعة ألوان كان بيتم استخدامهم فى تزييف وطباعة العملات بالإضافة لعدد 8 زنكات "مدون عليهم فئة 100 دولار" - عدد 1200 زنكة جاري تجهيزهم للاستخدام في تزييف العملات الأجنبية).

واعترف  المتهمين بتزوير العملات الأجنبية بقصد الاتجار فيها، بالاشتراك مع (صاحب مكتب لألوان الطباعة، وآخر مصمم جرافيك مقيمين في محافظة الجيزة وتم ضبطهم وبحوزتهم (100 زنكة فارغين - جهاز كمبيوتر "يحوى تصميم لفئة 100 دولار)و بمواجهتهم أيدوا اعترافات باقي المتهمين.

فخد بالك واوعا تروح ترمى فلوسك في الأرض وتطمع في كام الف زيادة .. قدامك البنوك وشركات الصافة المعتمدة فيها حقك وفلوسك آمنة ومضمونة