ارحم نفسك من المواصلات.. 7 بنوك بتقدملك قرض السيارة بأرخص سعر
لية تتزنق في المواصلات وتفضل تعاني.. طالما نقدر نقولك على طريقة من خلالها تقدر تشتري عربية.. وتروح بيها الشغل
المواصلات في مصر بقت خنيقة بشكل غريب.. خاصة بقى لو أنت طويل وتفضل محشور في مكان مش مكمل ربع متر.
طيب ما في طريقة سهلة نقدر نقولك عليها ومن خلالها تركب عربيتك الخاصة وترحم نفسك بقى من الزحمة وخنقة المترو والرزع بتاع المواصلات.
دلوقتي في بنوك بتقدملك قروض تاخد من خلالها سيارة تروح بيها أي مشوار خاص بيك.
ركز معانا بقى علشان تعرف القروض دي بتقول اية وأنت تقدر تستفيد منها ازاي.
عندك مثلا قرض السيارة اللي بيقدمه بنك ناصر الاجتماعى.. واللي بيطرح القرض بأقل سعر فائدة في مصر واللي بتصل نسبته فى حاله وجود ضامن حكومى 11%.. و في حاله عدم وجود ضامن حكومي يكون العائد 11.7 %.
والبنك بيديك فرصة أنك تسدد على سنتين كحد أدنى أو
7.5 سنة كحد أقصى.
والبنك بيديك الفلوس حسب مقدار وقيمة السيارة اللي أنت عايز تشتريها.
بشرط أنك هاتتكفل بقيمة المصاريف الإدارية اللي هي 1% وبيتم سدادها نقداً.
والمستندات المطلوبة للقرض دا هو أنك تقدم صورة بطاقة الرقم القومي السارية لطالب التمويل و إيصال مرافق حديث أو كتاب من جهة العمل يفيد العنوان الحالي لطالب التمويل من واقع ملف الخدمة.
الأهلى المصرى
وعندك كمان البنك الأهلى اللي بيقدم قروض بفترات سداد من عام وإلى 7 أعوام، وبتمويلات من 1.5 مليون جنيه وبحد أقصى 3 ملايين بنسبة تصل إلى 100% من قيمة السيارة.
وبيقدم البنك برامج تمويلية للموظفين، بمقدم 40% وبفائدة متناقصة 24.5% بفترة سداد تصل إلى 5 سنوات، وبفائدة متناقصة 24% بفترة سداد أعلى من 5 سنوات.
وكمان بيقدم برامج لأصحاب المهن الحرة، بمقدم من 30% وحتى 50% بفائدة متناقصة 25%.
لسه في قروض تانية بتقدمها البنوك.. زي بنك مصر اللي بيقدم برامج تمويلية متعددة بفترة سداد تصل إلى 120 شهر وبنسبة تمويل تصل إلى 100% من سعر السيارة،
وبالنسبة لمعدلات الفائدة للقرض لو أنت موظف هي 12.32%، بينما تسجل معدلات الفائدة لأصحاب المهن الحرة 13.47%.
وفي بنك القاهرة.. بيقدملك قروض للسيارات الجديدة بمعدلات فائدة تتراوح بين 18% و23.75%، وبنسبة تمويل تصل إلى 100% من قيمة السيارة وبفترات سداد حتى 7 سنوات.
ولو أنت عايز عربية مستعملة فبنك القاهرة بيديك كمان قرض بيصل ل 750 ألف جنيه بنسبة 60% من قيمة السيارة.
الأوراق المطلوبة في البنوك دي اللي قولنا عليها بالنسبة لقرض بنك ناصر.. روح بقى فرع أي بنك من دول واختار اللي يناسبك بين البنوك.
