نتسلح ونكون جاهزين.. رسالة غامضة من السيسي ترعب تل أبيب

 
ايه الرسالة اللي قالها الرئيس السيسي النهاردة من المكان والزمان وخلى اسرائيل تعيد حساباتها وايه إللي قاله الرئيس تاني وسط رجالة وأسود الجيش الثالث بالسويس واسمعنا التوقيت دا بالذات وايه حكاية مشهد الأسلحة المهيب اللي ظهر في العرض والطلب النهاردة قدام العالم كله 
 

انهاردة الرئيس السيسي شهد إجراءات تفتيش حرب الفرقة الرابعة المدرعة بالجيش الثالث الميداني في السويس ووسط
كم الأسلحة الحديثة المصفوفة في العرض وجهت القاهره رسائل كتير جزء منها كان في مشهد القوات والمعدات على الأرض واللي كان مهيب وجزء من الرسائل الخاصة وجهها الرئيس السيسي نفسه في كلامه.. أما بخصوص رسالة الصورة اللي ظهرت نهاردة في العرض العسكري فبتقول إن مصر عندها جيش قوي مسلح باحدث الأسلحة في العالم وكل المعدات اللي ظهرت من الأسلحة المتطورة ورغم حجمها المعدات الضخم إلا إن كل اللي ظهر دا كان فرقة واحدة من وحدات الجيش التالت فما بالك ببقية فرق الجيش والرسالة وصلت للأطراف المقصودة إن أمن مصر خط أحمر وجيشها قادر يقلب الموازين في أي وقت وأي مكان ودا جزء بسيط من قوتنا العسكرية.

وبخصوص رسائل الرئيس السيسي فكانت واضحة وقال إن استخدام القوة لازم يكون بعقلانية وإنسانية وأكد الرئيس عبد الفتاح السيسى، أننا بحاجة إلى التسلح بالعلم والمعرفة، حتى نكون قادرين دائما على استيعاب التقدم اللى بيحدث فى كل المجالات والتفوق والتطور فى المعدات والأسلحة الحديثة والنظريات المختلفة". 

أما بخصوص رسالة الرئيس التالية وكانت هي عارف. رايحة فين لما قال حافظوا على الكفاءة والقدرة ودايما كونوا جاهزين وحريصين.. ربنا يحفظكم... ودايما مصر بفضل الله سبحانه وتعالى فى أمن وأمان وسلام.. بشكركم وسعيد باللى شوفتوا.. ودائما فى العلا.. 
العرض العسكري النهاردة كان ضمن احتفالات مرور 50 سنة على نصر اكتوبر ودا اللي فكر بيه الرئيس الأطراف في المنطقة ومجمل الرسالة إن زي ما بنحتفل بنصر أكتوبر على إسرائيل الجيش المصري جاهز لاي سيناريو جديد وفاكرين الرئيس لما قال قبل كده الجيش المصري عملها مرة وقادر يعملها كل مرة والرسالة واضحة وسريعة انسوا سيناء وانسوا اي استفزاز لمصر لأن الرد هيكون عنيف والحدود خط أحمر.

وفاكرين الرئيس السيسي لما قال بردو إن العفي والقوى محدش يقدر ياكل لقمته .. الرئيس كان بيقصد الظرف اللي احنا فيه دلوقتي والمؤامرات اللي بتحصل في المنطقة ولو مصر ضعيفة كان زمانا في موقف صعب والأمور بتتفرض علينا واحنا مش عارفين نعمل حاجة.. القوة العسكرية بجانب مفاتيح القوة التانية لمصر هي اللي خلت كلمتها مسموعة في المنطقة والعالم دلوقتي وخلت المساعدات تدخل بالإكراه للفلسطنيين وخلت معظم قادة العالم يتصلوا برئيس مصر عشان ياخدوا رأيه في كل تفصيلة بتحصل في المنطقة والقوة العسكرية هي اللي رسمت خطوط حمراء للأمن القومي المصري في ليبيا والسودان وعلى حدودنا مع دولة الاحتلال.