الناس بتقول ايه على السيسي في الشارع.. صدمة لمحور الشر

 الرئيس اللي العدو يكرهه يبقي على طول زعيم بين شعبه ومفيش بلد في العالم متغاظة من السيسي قد الكيان الإسرائيلي لانه العضمة الناشفة في زور الاحتلال ومناصر الفلسطينيين القوي والراجل اللي بإشارة منه اسرائيل نفسها تبقى ذكرى وهما عارفين كويس إن لولا إن مصر بتحرم معاهداتها كان الوضع اتغير تماما ومقدرتش تعربد في فلسطين.. الناس بقى بتقول ايه على السيسي في مصر

لو قعدت على اي قهوة بلدي في أي حارة شعبية أو كافيه في منطقة راقية جدا هتلاقي حديث جانبي بين المصريين بيقولوا بس السيسي يقول يالا وندخل نجيب اسرائيل في شوال معقولة فيه شعب كده في العالم بيثق في رئيسه وفي عز أزمته الاقتصادية وظروف الحياة عاوز يدخل حرب عشان يناصر الحق في دولة عربية ومدي تفويض على بياض لرئيسه.. الحقيقة وقوف المصريين مع السيسي جاب جلطة وشلل لأعداء مصر والقنوات المحرضة ليل نهار ومش لاقيين كتالوج للشعب المصري واللي ليهم شهور بيسخنوا فيه وبيقولوله الاقتصاد هينهار والدولة هتفلس والناس هتجوع والدولار هيوصل 100 جنيه وفي اقرب أزمة الشعب يلتفت حولين رئيسه ويقول له احنا معاك حتى لو عاوز تحارب.. هو دا الشعب المصري الأصيل.

طيب ليه الشعب بيحب السيسي وبيستحمل اللي هو فيه ومستعد يدخل في النار مع رئيسه رغم الظروف المعيشية الصعبة.. الجواب بسيط جدا لما الرئيس يستغنى ويضحي بجزء من شعبيته عشان يبني البلد ويعمرها ويقوم باد جديدة ومايحطش اسمه على مشروع من آلاف المشروعات اللي عملها يبقي دا رئيس يستاهل الناس تستحمل عشان خاطره والرئيس السيسي نفسه قالها على الهواء مرة بأن المصريين فاجئوه بصبرهم وتجاهل دعاوى التحريض في عز أزمة ارتفاع الأسعار وشظف المعيشة

لما الرئيس يبني جيش قوي وحديث ومتطور وجاهز باحدث الأسلحة ويشيل الجيش لأيام زي اللي احنا فيها دلوقتي يبقي عنده بعد نظر القائد وكأنه كان عارف اليوم دا هيجي ومصر لازم تكون قده وتحمي حدودها وتجهض مخطط التهجير وجيشه قادر يعمل اي حاجة وينفذ اي مهمة يبقي دا رئيس يستاهل الشعب يحبه.

لما الرئيس يطور حياة الصعيد والقري والأرياف في أكبر وأضخم مشروع من نوعه حياة كريمة ويغير حياة اكتر من 60 مليون مصري يبقي يستاهل محبة الناس ولما رئيس بيشتغل حتى يوم الجمعة عشان بلده ومتابع كل تفصيلة في أي مشروع وحافظ كل رقم بيتقال يبقى من حق المصريين يحبوه.
لما الرئيس يعمل مدن جديدة وذكية وطرق وكباري ومحاور ويطور العاصمة التاريخية ويبني محطات كهرباء نووية وعادية ويستصلح ملايين الأفدنة ويطور ويبني مدن صناعية عملاقة وقناة سويس ومواني وسكة حديد ومدارس ومستشفيات وتأمين صحي ويقضي على الأمراض اللي نهشت أجساد المصريين لسنين طويلة وكله على نفقة الدولة ولما يبني لكل مواطن شقة ويعتمد رؤية 2030 ويحقق أعلى معدلات نمو في العالم ويصرف 10 تريليون جنيه على البنية التحتية والمشروعات يبقي يستاهل الناس تحبه.

لما رئيسها يدي درس في الأخلاق والإنسانية لرئيس امريكا ويرفض يقابله ويجبره على دخول المساعدات ويقوله سيناء خط أحمر وبيتعامل زي الأسد في المنطقة ونظرات عيونه ترعب الإسرائيلين يبقي يستاهل محبة المصريين ولما يرجع لمصر زعامتها في المنطقة والعالم العربي والإسلامي يبقي السيسي زعيم والمصريين بيقدروا الزعماء والشارع قالها السيسي عبد الناصر جديد لكن بفكر مختلف ودهاء نادر.