لو موظف ومهموم ومرتبك مش مقضيك.. هنقولك تعمل ايه
كتير من المواطنين وخاصة الموظفين في وظائف عادية بيعانوا من مشكلة مزمنة وهي إن مرتباتهم بتقضي الحد الأدنى للمعيشة في ظل ارتفاع أسعار السلع بشكل كبير الفترة الأخيرة وخاصة لو كان الموظف معاه أسرة كبيرة نسبيا وأطفال في المدارس وبيقعد محتار مش عارف يعمل ايه.. في بانكير هنقواك ممكن تعمل ايه عشان دخلك يكفيك.
أول حاجتين لازم تعملهم بالتوازي هما البحث عن وسيلة لاستثمار اي أصول معاك لاستغلالها وزيادة دخلك بانك تبيع الأصول دي ايا كانت دهب شايلة للزمن أو حتة أرض أو بيت قديم واستغلال حصيلته في الدخول في مشروع مربح وحتى لو كان بسيط وفي نفس الوقت تعمل ترشيد لنفقاتك والمصاريف اللي ملهاش لازمة زي فلوس التدخين والعزومات وطلب اكل من بره أو شراء سلع غالية مع توافر بديل ليها.
تاني حاجة ممكن تعملها انك تدخل في جمعية حتى لو بسيطة أو تاخد قرض لو انت بتفهم في مجال معين في التجارة أو أي مهنة وتفتخ بيه مشروع فورا أو ممكن تشارك اكتر من حد يكون معاه فلوس أو ظروفه زي ظروفك بس شايل حاجة للزمن واشتغلوا في مشروع أرباحه سريعة كمان لو شريك حياتك معاها مؤهل ومقعدها في البيت دلوقتي الظروف اتغيرت وممكن تنزل لي شغل يناسب مؤهلها وبكده تضمن دخل إضافي ليك ولأسرتك.
من الحلول التانية اللي ممكن تعملها كموظف عشان تزود دخلك لو مش معاك أصول تبيعها أو مش عاوز تاخد قرض انك تدور على عمل إضافي تقدر بيه تزود دخلك والشغل مش عيب وكمان فيه مشروعات تانية كتير ممكن تزود بيها دخلك لو عندك مهارات الكتابة والعمل اون لاين بعد الشغل الرسمي فمثلا ممكن تشتغل في أي شركة اون لاين أو تعمل مشروع تسويق الكتروني أو في مجال البرمجة وممكن تعمل قناة يوتيوب مثلا وتنزل عليها فيديوهات جذابة وتحقق منها ربح كويس.
