ليه مصر بشتري قمح كتير ؟

معروف إن مصر أكبر مستورد للقمح في العالم من فترة كبيرة رغم أنها بتزرع القمح بمساحات كبيرة لكن مشترياتها الخارجية من القمح قفزت خلال شهر ونص سواء من خلال المناقصات العالمية أو الشراء بالأمر المباشر، ووصل إجمالي الكميات المتفق عليها منذ بداية سبتمبر لغاية دلوقتى حوالي 1.6 مليون طن، في مقابل 120 ألف طن فقط تم الاتفاق على شرائها خلال نفس الأشهر المماثلة من 2022 وطبعا دي فرق كبير جدا.

خبراء اقتصاد فسروا  أسباب توسع مصر في شراء القمح في الفترة الأخيرة إلى مخاوف الحكومة من تفاقم التقلبات السياسية في المنطقة، وفرض عقوبات على الدول اللي بتستورد منها الحبوب، بجانب تراجع الأسعار العالمية خلال الفترة الحالية 32% عن العام الماضي، ودا أنسب وقت تشتري فيه قمح وتعمل حساب الظروف ودا غير أن السعة التخزينية للقمح زادت جدا في عصر الرئيس السيسي واللي قدرت تستوعب اي عمليات استيراد وتخزين.

وفي رأي تاني بيقول إن السبب الرئيسي لزيادة كميات القمح المستورد هو مخاوف من تحرير سعر صرف الجنيه وارتفاع الدولار وتكلفة دا على الاستيراد ودا احتمال مستبعد لأن مصر بتتحوط وبتشتري القمح حسب العرض والطلب وأزمة الدولار ملهاش تأثير مباشر على قرارات الاستيراد لان القمح سلعة استراتيجية وتخزينه مسألة تخص الأمن القومي وكمان فرصة للاستفادة من الأسعار الحالية للقمح.

أما أهل الشر فكان ليهم رأي تاني طبعا وهي إن البلد داخلة على مجاعة وموجة ارتفاع أسعار غير مسبوقة وإن الدولة عاوزة تضمن توزع رغيف العيش على الناس عشان ماتحصلش ثورة في الشارع اللي هي يعني ثورة الجياع.. وطبعا دا تفكير عقيم كالعادة لأن مصر عمرها ما تجوع وازاي تجوع وهي اللي أنقذت العالم كله من المجاعة زمان وكمان تصرف الحكومة الاخير بخصوص مشتيريات القمح بيقول إن عندنا حكومة رشيدة وذكية وبتعرف تستغل الأوضاع العالمية كويس جدا لصالحها.

وحسب الأرقام قفزت واردات مصر من القمح 30% خلال الأشهر التسعة الأولى من 2023 إلى 8.34 مليون طن مقابل 6.43 مليون طن في الفترة ذاتها من 2022.