اقتصاد أوروبا في خطر بسبب غزة ومستثمرون عرب يغادروا السوق الأوروبي

خسائر الحرب الأكبر دايما بتكون اقتصادية، خسائر بالملايين وتراجع في الأسهم وضياع في البنية التحتية وسحب المستثمرين لفلوسهم من السوق ودا أبسط مثال لو حرب بين دولتين أو حرب داخلية لكن مسألة فلسطين وغزة مختلفة.

في الأيام الأخيرة بيعيش اخواتنا في فلسطين أبشع أيام حياتهم بسبب جرائم الاحتلال العنيفة ومحاولة ابادتهم نهائيا، الأمر فاق الخيال وانعدام الإنسانية.

وبالنسبة لكل الناس سكوت أي عربي ووقوفه في منطقة حياد يعني جريمة وخيانة، وبالمناسبة على الجانب الآخر بعض الدول الأوربية والغربية كانت بتدعم إسرائيل وبتمدها بالاسلحة.

خسائر الاقتصاد الإسرائيلي بعد 14 يوم من الحرب تخطت ال 7 مليار دولار كمان حذرت وكالة بلومبرج الأمريكية ان الحرب فى الشرق الأوسط هتدفع الاقتصاد العالمى للركود.

برضه مش بس كدا الاتحاد الأوروبي أكد قلقه الكبير من الانهيار الاقتصاد بعد تهديد مستثمرون عرب بسحب كل استثماراتهم من السوق الأوربي وكان على رأس الأسواق دي فرنسا واللي دعمت إسرائيل بقوة في الحرب الأخيرة مما جعل أكتر من مستثمر عربي يسحب كل الاستثمارات منها.