أخطر رجل في الشرق الأوسط.. كيف ترى أجهزة المخابرات تحركات السيسي في ملف غزة؟
من يوم ٧ اكتوبر اللي فات ولحد النهاردة كل أجهزة المخابرات في العالم مركزة كل اهتمامها على مصر وقاعدة بتراقب اللي بيحصل وتشوف تحركات الرئيس السيسي والدولة المصرية في أزمة غزة.. وهل مصر هترضخ للضغوط وتوافق على تهجير الفلسطينين لسينا ولا هتتصدى للمخطط الاسرائيلي المدعوم من امريكا.. والحقيقة الرئيس السيسي كان على مستوى الحدث وقدم أداء مبهر في واحدة من أهم أخطر الأزمات اللي مصر بتتعرض ليها من سنين طويلة في ملف القضية الفلسطينية.. وتقريبا كده الرئيس السيسي هو اكتر زعيم وقائد كلمته مسموعة حاليا في كل العواصم الغربية.. ولو حضراتكم ملاحظين تقريبا مفيش دولة ولا رئيس الا واتكلم مع رئيس مصر عن اللي بيحصل في غزة وازاي مصر بتفكر في التعامل مع اللي بيحصل وايه الأوراق اللي في ايد القاهرة ؟ وموقف دخول المساعدات ابانسانية لأهالي غزة؟ وسر رفض مصر فتح المعبر الا بعد دخول المساعدات؟
من اول يوم لاشتعال الأوضاع في غزة مصر وعلى لسان الرئيس السيسي أعلنت موقفها وانحيازاتها بوضوح وقالت إنها مع حق الشعب الفلسطسني في مقاومة المحتل والدفاع عن أرضه وعدم الاستسلام.
ولأن الرئيس السيسي عارف اللي بيحصل في الكواليس كويس ومطلع على المؤامرات اللي بيحاول الصهاينة تنفيذها حذر من بداية الأزمة من تهجير الفلسطينيين وقال ان فيه مخطط لإخلاء غزة من سكانها ودفعهم إلى سينا وقال ان مصر بترفض ده رفض قاطع.
الرئيس قال ان مصر بتتعامل مع ضيوفها بكل كرم وأنها بتستقبل حوالي ٩ مليون شخص على أرضها عندهم ظروف صعبة فس بلادهم لكن الوضع مع فلسطين مختلف لان تهجير سكان غزة معناه تصفية القضية الفلسطينية وده أمر غير مقبول
لهجة السيسي اتغيرت بشكل كامل بسبب الضغوط البى بتمارس ضد مصر واللي بتحاول تفرض أمر واقع بقبول توطين الفلسطينين في سينا.. والنهاردة الرئيس السيسي في لقاؤه مع المستشار الألماني قال كلام مهم جدا ورسايل مباشرة لكل الأطراف.
وموقف مصر بسبب حنكة السيسي بيزداد قوة وشرف في كل يوم وفي لقاء المستشار الألماني الرىيس السيسي اتكلم بشكل واضح عن ان لو تم نقل الفلسطينين لغزة وضربوا اسرائيل بعد وإسرائيل ردت فده هيكون اعتداء على ارض مصرية وده هيجر مصر لحرب مع اسرائيل وده أول تهديد مصري من عقود بانتهاء اتفاقية السلام بيننا وبين الكيان الصهيوني.
السيسي اتكلم فى حديث واضح لا لبس فيه بأن مصر بتقاوم ومش هتقبل الضغوط الأمريكية الأوروبية بنقل جزء كبير من سكان غزة لسيناء حتى تتفرغ إسرائيل لمهمة التدمير الشامل.
كلام الرئيس عن نقل الفلسطينيين لصحراء النقب لو كان فعلا الاسرائيلين بيخافوا على المدنيين إحراج شديد للمعاينة وتعريف لمخططهم قدام العالم لأن الصحراء دي في الداخل الفلسطيني احتلتها إسرائيل وهي جزء من أرضها حاليًا واللي بيعيش عليها من البدو العرب من اللي تمسكوا بالبقاء بيتعرضوا لكل أشكال القهر عشان يفرغوا الأرض لليهود
و الرئيس بيدعوا إسرائيل لنقل ٢ مليون فلسطيني لداخل أراضيها وطبعًا الاستجابة مستحيلة بس السيسي بيحاول يكشف للعالم كذب وتدليس الاسرائيلين.
النهاردة كمان الرئيس لأول مرة بيحذر من حرب ممكن تقوم بيننا وبين اسرائيل لو نجح التهجير وتحولت سيناء لقاعدة عمليات وردت إسرائيل.
لكن الرئيس قال "مصر دولة كبيرة".. بمعنى أننا هنرد على اسراىيل وبكده دي محاولة لجرنا لحرب
الكلام اللى قاله السيسي النهاردة قوي جدا وهيكون ليه تداعيات كبيرة على الأوضاع في غزة والرسايل النهاردة وصلت لكل أجهزة المخابرات في العالم ان مصر نوقفها واضح ومش هتتراجع عنه وأنها بتدعم اهل غزة ورافضه لأي عمليات تهجير ومستعدة لأي تصعيد.
